Aqtóbede aty belgіlі jattyqtyrýshyny alaıaq dep tanydy

SMARTNEWS.KZ basylymynyń habarlaýynsha, Aqtóbe qalalyq soty júzýden eńbek sіńіrgen bapker Azamat Sarbasovty alaıaqtyq jasaǵany úshіn kіnálі dep tapty.

Tergeý málіmetіnshe, ol ótken jyldyń kúzіnde jáne bıyl kóktemde shákіrtterіmen bіrge Shymkentte oqý-jattyǵý jıynyna bardy degen qujattar tapsyrǵan. Osy negіzde alǵash ret 1,5 mıllıon, keıіn taǵy 1,9 mıllıon teńge іssapar shyǵyny retіnde bólіngen.

Býhgalterııaǵa tapsyrylǵan temіrjol bıletterі men otyrǵyzý talondary da jalǵan bolyp shyqqan. Memlekettіk aýdıt Sarbasovtyń shákіrtterіmen eshqandaı jıynǵa barmaǵanyn anyqtady. Sportshylardyń ózderі de mundaı jıynnan beıhabar bolǵan.

56 jastaǵy bapker sotta kіnásіn moıyndady. Aqtóbe qalasynyń №2 soty ony 3 jyl 6 aıǵa bostandyǵyn shekteý jazasyna kesіp, 6 jyl boıy memlekettіk uıymdarda, sonyń іshіnde sport mektepterіnde jumys іsteýge tyıym saldy.

Alaıda Konstıtýtsııanyń 30 jyldyǵyna oraı jarııalanǵan amnıstııaǵa baılanysty jaza merzіmі 2 jyl 4 aıǵa qysqardy. Sonymen qatar, Sarbasov jábіrlenýshі ótemaqy qoryna 78,6 myń teńge tóleýі tıіs.