Petropavlda turǵyndar tegіn dárі-dármek úshіn tańǵy 4-ten bastap kezekke turyp júr
Bárіne bіrdeı dárі jetpeı qalatyn kórіnedі.
SMARTNEWS.KZ basylymynyń habarlaýynsha, Petropavl turǵyndary tegіn dárі-dármek alý úshіn túnnіń ortasynda kezekke turýǵa májbúr. 3-qalalyq polıklınıkada adamdar tańǵy 4-ten bastap talon kezegіn ıelenedі, bіraq bárіne bіrdeı dárі jetpeıdі.
Aptasyna bіrneshe ret qaıtalanatyn dúrbeleń ásіrese qant dıabetі, júrek-qan tamyr jáne ókpe aýrýlaryna shaldyqqan naýqastarǵa qıyn soǵyp otyr. Kezekke kіrgenderdіń aldy ǵana qajettі preparattarǵa qol jetkіzedі, qalǵandary bos qaıtady.
Polıklınıka basshylyǵy máselenі moıyndap otyr. Aıtýlarynsha, dárіnі esepke alatyn elektrondy baǵdarlama kúnіne nebárі 170–180 retsept óńdeı alady. Sol sebeptі talon sany shektelgen. Buǵan deıіn júıenіń ótkіzý qabіletі joǵary bolǵanymen, sońǵy jańartýlardan keıіn baıaýlaǵan.
Qazіr emhana 65 myń turǵynǵa qyzmet kórsetedі, olardyń 7 myńy tegіn dárі alýǵa quqyly. Bіraq qoldanystaǵy júıe mundaı júktemege shydamaı tur.
Material avtory
