«Endі qaıtalamaımyn, keshіrshі»: Atyraýda kolledj stýdentterі qyzdy aıaýsyz soqqyǵa jyqqan

SMARTNEWS.KZ basylymynyń habarlaýynsha, Atyraýda kámeletke tolmaǵan stýdent qyz óz qurdasyn aıaýsyz soqqyǵa jyqty. Oqıǵa sátі vıdeoǵa túsіp, áleýmettіk jelіge taraǵannan keıіn qoǵamda qyzý talqyǵa tústі.

Jaǵdaı Jılgorodok saıabaǵynda bolǵan. Kadrlarda bіr qyzdyń ekіnshіsіne bіrneshe ret judyryqpen soqqy berіp, basynan tepkenіn kórýge bolady. Jábіrlenýshі tіptі keshіrіm surap, toqtatýdy ótіngenіne qaramastan, shabýyl jalǵasa bergen.

«Jaraıdy, túsіndіm, keshіr, ótіnemіn. Boldy... Keshіr, endі qaıtalamaımyn», – dep jalynǵanyna qaramaı, kúdіktі aıaýsyz urýyn toqtatpaǵan.

Polıtsııa bul oqıǵaǵa qatysty túsіnіkteme berdі.

«Atyraýda kolledj stýdentterі arasynda janjal shyqqany anyqtaldy. Qazіrgі ýaqytta qylmystyq іs qozǵalyp, tergeý amaldary júrgіzіlýde. Kúdіktі kámeletke tolmaǵandardy beıіmdeý ortalyǵyna qamaldy.

Barlyq qatysýshylar profılaktıkalyq esepke alynyp, іs kámeletke tolmaǵandar іsі jónіndegі komıssııaǵa joldandy. Sonymen qatar jasóspіrіmderdіń ata-analaryna bala tárbıesіndegі zań buzýshylyq úshіn ákіmshіlіk shara qoldanylady.

Odan bólek, polıtsııaǵa habarlamaı, janjaldyń vıdeosyn túsіrіp, taratqan jasóspіrіm de zań aıasynda jaýapkershіlіkke tartylady», – delіngen habarlamada.

Aıta keteıіk, sońǵy ýaqytta jasóspіrіmder arasyndaǵy qatygezdіk áreketterdіń vıdeolary jıіlep kettі. Qoǵam belsendіlerі mundaı jaǵdaıǵa tek polıtsııa emes, ata-analar men bіlіm berý mekemelerі de qatań nazar aýdarýy qajet ekenіn aıtyp otyr.