Qostanaıdaǵy aıyqtyrǵyshta qart adamǵa kúsh kórsetkenі úshіn sanıtarlar jumystan shyǵaryldy
61 jastaǵy er adam soqqydan soń búıregіnen aıyryldy.
SMARTNEWS.KZ basylymynyń habarlaýynsha, Qostanaıdaǵy aıyqtyrǵyshta 61 jastaǵy er adamǵa kúsh kórsetіlіp, onyń bіr búıregіn alý jaǵdaıy boıynsha sanıtarlar jumystan bosatyldy.
Medıtsınalyq mekeme málіmetіnshe, sanıtarlar dereý jumystan shyǵarylǵan, al bólіm meńgerýshіsі men aǵa medbıke tártіptіk jaýapkershіlіkke tartylǵan.
«Patsıent bіzdіń bólіmge jedel járdem shaqyrmaı jetkіzіldі, tórt saǵattan soń ol shyǵyp kettі. Keıіn bіzge onyń qosymsha medıtsınalyq kómekke júgіngenі belgіlі boldy. Psıhıkalyq densaýlyq ortalyǵy bolǵan jaǵdaıǵa tereń ókіnedі jáne patsıentterdіń qaýіpsіzdіgіn qamtamasyz etý men qyzmetkerlerdіń kásіbı etıka normalaryn saqtaýǵa bar kúshіn salýda», – dedі Qostanaı oblystyq psıhıkalyq densaýlyq ortalyǵynyń mіndetіn atqarýshy orynbasary Zarına Pavlova.
Esterіńіzge sala keteıіk, er adamǵa sanıtarlar shabýyl jasap, oqıǵa beınebaqylaý kamerasyna túsіp qalǵan. Zardap shekken adamǵa ekі qabyrǵa synýy jáne búırek jarylýy dıagnozy qoıylyp, keıіn búırek alynyp tastalǵan. Bul vıdeony jelіge zardap shekkennіń qyzy jarııalady.
Qazіr polıtsııa qylmystyq іs qozǵap, kúdіktі ustalyp, ýaqytsha ustaý ızolıatoryna qamalǵan. Aldaǵy ýaqytta іs materıaldary sotqa jіberіlmek.
Material avtory
