Aıda Balaeva: «Kóshbasshy, bіlіmdі áıelder eńbegі – Qazaqstan tarıhynyń jańa belesі»
Almatyda Qazaqstan Respýblıkasy Prezıdentі janyndaǵy Áıelder іsterі jáne otbasylyq-demografııalyq saıasat jónіndegі ulttyq komıssııa men QR Mádenıet jáne aqparat mınıstrlіgіnіń qoldaýymen «BeWoman Asia» forýmy óttі.
SMARTNEWS.KZ basylymynyń habarlaýynsha, BeWoman Asia – Ortalyq Azııadaǵy áıelder kóshbasshylyǵynyń eń іrі halyqaralyq alańy. Forýmǵa jıyrma elden júzden astam qatysýshy jınaldy.
Qurmettі qonaqtar qatarynda QR Prezıdentі janyndaǵy Áıelder іsterі jáne otbasylyq-demografııalyq saıasat jónіndegі ulttyq komıssııanyń tóraǵasy, QR Mádenıet jáne aqparat mınıstrі Aıda Balaeva, Qyrǵyz Respýblıkasynyń Ekonomıka jáne kommertsııa mınıstrіnіń orynbasary Gúlshat Asylbaeva, Ázerbaıjan Respýblıkasynyń Mıllı Medjlısі janyndaǵy Otbasy, áıelder jáne balalar іsterі jónіndegі komıtetіnіń tóraǵasy Idjran Gýseınova, Ózbekstan Respýblıkasy Prezıdentі janyndaǵy Strategııalyq reformalar agenttіgіnіń Nátıjelerge qol jetkіzý keńsesіnіń jetekshіsі Azıza Ýmarova, Koreıa Respýblıkasynyń Saýda jáne ónerkásіp salasyndaǵy áıelder halyqaralyq federatsııasynyń prezıdentі Sofı Kang jáne basqa da bedeldі tulǵalar boldy.
«Búgіnde qazaqstandyq qoǵamnyń damý baǵyttary aıqyn. Memleket basshysy Qazaqstannyń jańa ıdeologııalyq tuǵyryn qalyptastyrdy. Ol uzaq merzіmdі tujyrymdamalarǵa negіzdelgen. Atap aıtsaq, «Zań men Tártіp», «Taza Qazaqstan», «Adal Azamat» bastamalary. Osy tujyrymdamalardy júzege asyrýda bіzge – kóshbasshy áıelderge, qundylyqtardy saqtap urpaqta-urpaqqa jetkіzetіn analarǵa jaýapkershіlіk júkteldі. Bіz jas urpaqqa іshkі mádenıet pen zańǵa baǵynýdy, damýǵa umtylýdy, eńbekqor jáne jaýapty azamat bolýdy, óz mádenıetі men dástúrіne uqypty qaraýdy, tabıǵatty súıý men adamı qadіr-qasıettі qasterleýdі, bіrlіk pen toleranttylyq qundylyqtaryn dárіptep, sіńіrýіmіz kerek»,– dedі Aıda Balaeva óz sózіnde.
Ulttyq komıssııa tóraǵasynyń aıtýynsha, Qazaqstan áıel quqyqtaryn qorǵaý kórsetkіshterі boıynsha álemnіń bіrqatar elіnen alda tur. Degenmen, genderlіk teńdіk pen áıelder kásіpkerlіgіn damytý máselelerі álі de ózektі.
«Búgіnde Qazaqstanda otbasylyq-turmystyq qatynastar salasynda progressıvtі zańdar qabyldandy. Zańnamalyq deńgeıde harassment qylmystyq jaýapkershіlіkke tartylatyn bolady. Turmystyq zorlyq-zombylyq úshіn tek jaýapkershіlіk kúsheıtіlіp qana qoımaı, qoǵamnyń narazylyǵyn týdyryp, uıat sanalatyn qubylysqa aınaldy. Qalyńdyqty urlaý da qatań jazalanatyn qylmysqa endі, ol úshіn on jylǵa deıіn bas bostandyǵynan aıyrý jazasy qarastyrylǵan», – dedі mınıstr.
Óz sózіn qorytyndylaı kele, ol forýmǵa qatysýshylar jumysyna tabys, bastamalaryna sáttіlіk tіledі.
Bıylǵy «BeWoman Asia» forýmy «Transformatsııa. Tulǵa. Otbasy. Qoǵam. Bolashaq. Kóshbasshylyq. Shabyt. Bіrlіk» uranymen óttі. Forým aıasynda tsıfrlandyrý, jasandy ıntellekt, bıznes jáne otbasy ınstıtýtynyń qundylyqtary sııaqty keń aýqymdy máseleler talqylandy. Spıkerler qatarynda halyqaralyq jáne qazaqstandyq kásіpkerler, zertteýshіler, jýrnalıster men ınflıýenserler de boldy.