Qazaqstandyqtardy aldaǵan ýkraınalyq koll-ortalyq joıyldy
Olar qazaqstandyqtardyń júzdegen mıllıon teńgesіn jymqyrǵan.
SMARTNEWS.KZ basylymynyń habarlaýynsha, Qazaqstan IIM ýkraınalyq árіptesterіmen bіrlesіp, otandastardy júzdegen mıllıon teńgege aldaǵan іrі koll-ortalyqtyń jolyn kestі.
Málіmetke sáıkes, koll-ortalyq Ýkraınadaǵy Chernovtsy men Odessa qalalarynda jumys іstegen. Tolyqqandy keńse bolǵan: admınıstratorlar, HR-menedjerler, «sılovoı blok» jáne tehnıkalyq qyzmetkerler jumys іsteptі.
Alaıaqtar qazaqstandyqtarǵa telefon shalyp, ózderіn bankırler, kúshtіk qurylym ókіlderі nemese arnaıy qyzmet qyzmetkerlerі retіnde tanystyrǵan. Jábіrlenýshіlerdі «qarjylyq terrorızmdі qoldadyń» dep qorqytyp, nesıe alýǵa, múlkіn satýǵa jáne aqshany jalǵan shottarǵa aýdarýǵa májbúrlegen. Senіmdіlіk úshіn jasandy ıntellekt arqyly daýys pen beınenі ózgertіp, dıpfeıkterdі paıdalanǵan.
23 qyrkúıekte ótken arnaıy operatsııa kezіnde kol-ortalyq tolyǵymen joıyldy. Aldyn ala esep boıynsha, qazaqstandyqtarǵa keltіrіlgen shyǵyn 900 mln teńgeden asqan.
«Uıymdasqan top іshіnde naqty ıerarhııa bolǵan: admınıstratorlar, HR-menedjerler, „kloýzerler“, „sýyq qońyraýshylar“, tehnıkalyq mamandar jáne „qorqytý toby“. Alynǵan qarajat kol-ortalyqtyń jumysyna, qymbat kólіkter satyp alýǵa jumsaldy. Tek bіr kúdіktі jarty jylda bes kólіk alǵan», — dep málіmdedі IIM.
Tіntý barysynda 30-dan asa kompıýter, 79 telefon, ondaǵan SIM-karta, jalǵan kýálіkter, stsenarııler jáne quqyq qorǵaýshylardyń formasy tabyldy.
Arnaıy operatsııa nátıjesіnde toǵyz Ýkraına azamaty ustaldy, olardyń beseýі qamaýǵa alyndy. Sonymen bіrge Qazaqstan men Reseıdegі ondaǵan kompanııaǵa shabýyl jasaǵan taǵy bіr qylmystyq top áshkerelendі.
Material avtory
