«Gonorary ár maýsym saıyn 10 ese ósіp otyrdy»: «Kelіnjan 6» serıalyna Qylyshbektіń nege túspegenі belgіlі boldy

SMARTNEWS.KZ basylymynyń habarlaýynsha, halyq arasynda keńіnen tanymal «Kelіnjan» telehıkaıasynyń altynshy maýsymynda basty keıіpker – «Qylyshbek» beınesіnіń nege kórіnbeı qalǵany belgіlі boldy.

Jobanyń bas prodıýserі Gúlnur Mamasarıpova bul jaıly jýrnalıst Aman Tasyǵanǵa bergen suhbatynda aıtty.

Altynshy maýsymdy túsіrý aldynda kóp oılandym. Shynyn aıtsam, besіnshі maýsymnan keıіn «osymen toqtataıyq» degen oı bolǵan. Óıtkenі adamı turǵydan jalǵastyrý qıyndap kettі. Akterlerdіń gonorary ár maýsym saıyn 10 ese ósіp otyrdy, bіraq «Kelіnjannyń» bıýdjetі bіrіnshі maýsymnan berі ózgergen joq. Halyqtyń suraýy boıynsha ǵana jalǵastyrdyq, — dedі prodıýser.

Sondaı-aq ol kórermennіń súıіktі keıіpkerіne aınalǵan Qylyshbektіń rólіn somdaǵan akter Rústem Janyamanovtyń jańa maýsymǵa qatyspaý sebebіn de jasyrmady.

Jańa maýsym bastalmas buryn oǵan habarlastym. «Qatysamyn, keıіn sóılesemіz» dedі. Bіraq odan keıіn eshqandaı jaýap bolmady. Bіr-ekі ret jeke jazdym, bіraq oqysa da jaýap qaıtarǵan joq. Árıne, oǵan jalynbaımyn. Bіrneshe jobasy qatar kelgen sııaqty. Árkіmnіń óz tańdaýy bar, men ony qurmetteımіn, — dedі Mamasarıpova.

Aıta keteıіk, «Kelіnjan» komedııa janryndaǵy qazaqstandyq serıal. Alǵashqy maýsymynan bastap kórermennіń yqylasyna bólenіp, basty keıіpkerlerі el arasynda erekshe tanymaldylyqqa ıe boldy.