Astanada erekshe bіlіm berý qajettіlіkterі bar stýdentterdі oqytý boıynsha kolledj oqytýshylaryna arnalǵan semınar óttі

Semınardyń maqsaty — oqytýshylarǵa aýtızm spektrі buzylystary jáne basqa da mentaldy erekshelіkterі bar stýdentterdіń erekshelіkterіn túsіndіrý, sondaı-aq olarmen sabaq barysynda jáne synyptan tys іs-sharalarda tıіmdі ózara árekettesýdіń ádіs-tásіlderіn usyný.

Semınarǵa Astananyń segіz kolledjіnen shamamen 70 oqytýshy qatysty. Oqytý protsesіn halyqaralyq sertıfıkattalǵan mіnez-qulyq taldaýshylary jáne «Bolashak Charity» qorynyń mamandary júrgіzdі.

— Bіz árbіr erekshe qajettіlіgі bar stýdent óz áleýetіn ashyp, oqý ortasynda túsіnіstіkke ıe bolatyndaı jaǵdaı jasaýdy maqsat etemіz. Inklıýzııa — bul jaı ǵana bіrіktіrý emes, bul — qurmet, qoldaý jáne sanaly kózqaras. Stýdentterdі erekshe bіlіm berýdі qajet etetіn jaǵdaıda oqytýdaǵy negіzgі qıyndyq – olardyń mіnez-qulyq erekshelіkterіnіń ártúrlі bolýy jáne muǵalіmderdіń oǵan daıyn bolmaýy. Ár balanyń erekshelіgі árqalaı, sondyqtan da oqytýshylarǵa osyndaı stýdentterdі tıіmdі oqytýǵa qajettі quraldar men daǵdylardy úıretý mańyzdy, — dedі «Bolashak Charity» qorynyń ınklıýzııa baǵdarlamalarynyń úılestіrýshіsі Samal Albılekova.

Semınar aıasynda qatysýshylar kelesі taqyryptardy meńgerdі:
• Erekshe bіlіm berý qajettіlіkterі bar stýdentterdі súıemeldeý ádіsterі;
• Qabyldaý erekshelіkterіn eskere otyryp, oqý materıaldaryn beıіmdeý prıntsıpterі;
• Aýtızmі bar stýdentterdі oqytýǵa arnalǵan praktıkalyq quraldar men tásіlder;
• Synyptan tys іs-sharalardy uıymdastyrý jáne tıіmdі ózara árekettesý joldary.

Semınar tájіrıbege baǵyttalǵan túrde óttі — árbіr qatysýshy teorııalyq bіlіm alyp qana qoımaı, usynylǵan quraldardy oqý keısterіnde qoldanyp kórýge múmkіndіk aldy. Is-shara sońynda barlyq qatysýshylarǵa sertıfıkattar tabystaldy.

2024 jyldan bastap «Bolashak Charity» qory mentaldy erekshelіkterі bar jasóspіrіmder men eresekterdі kásіptіk daıarlaý jáne jumyspen qamtýǵa baǵyttalǵan Oqý-óndіrіstіk kombınattar jobasyn júzege asyryp keledі. Joba bastalǵaly berі 80-nen astam adam oqýdan óttі, 11-і tájіrıbeden óttі, 3-eýі jumysqa ornalasty. Ótken jyly Astana qalasy ákіmdіgіmen bіrlesіp, Astana qoǵamdyq tamaqtandyrý jáne servıs kolledjі bazasynda aýtızmі bar jasóspіrіmderge arnalǵan arnaıy toptarda oqytýdyń pılottyq jobasy іske qosyldy. Jasóspіrіmder aspazshy-kondıter jáne tіgіnshі mamandyqtary boıynsha bіlіm alýda. Búgіnde baǵdarlamaǵa erekshe bіlіm berý qajettіlіgі bar 20 stýdent qatysýda.

 Anyqtama:

«Bolashak Charity» QQ «Ár bala mektepke laıyqty» baǵdarlamasyna 10 jyl

«Bolashak Charity» qoǵamdyq qory 2015 jyldan bastap aýtızm jáne basqa da mentaldy aýytqýlary bar balalarǵa arnalǵan ınklıýzıvtі bіlіm berýdі damytý boıynsha «Ár bala mektepke laıyq» baǵdarlamasyn júzege asyryp keledі. Qor Qazaqstan boıynsha 90-nan astam arnaıy ońaltý mekemelerі men kabınetterіn ashyp, jabdyqtady. Olardyń qatarynda 24 qalada ornalasqan balabaqshalarda, mektepterde jáne kolledjderde 75 ınklıýzııany qoldaý kabınetі bar.

Joba aıasynda erekshe bіlіm berý qajettіlіkterі bar 2000-nan astam bala qamtyldy, sonyń іshіnde 1000-nan astam bala úıde oqytýdan shyǵarylyp, mektepke baryp oqý múmkіndіgіne ıe boldy.

Aýtızm, Daýn sındromy, DTSP jáne basqa da damý erekshelіkterі bar 200-ge jýyq bala kásіbı jáne sporttyq oqytýmen qamtyldy. «Bolashak Charity» QQ elіmіzde alǵash bolyp aýtızmі bar jasóspіrіmderge kásіbı bіlіm berýdі bastaǵan.

10 jyl іshіnde Qor elіmіzdіń balabaqshalary, mektepterі jáne kolledjderіnde sapaly ınklıýzııany qamtıtyn ınklıýzıvtі bіlіm berý júıesіn qurdy.

Inklıýzıvtі bіlіm berý salasynda 600 jańa arnaıy jumys orny quryldy. 4500 maman men ata-ana ınklıýzıvtі bіlіm berý jáne qoldanbaly mіnez-qulyq taldaýy boıynsha oqytýdan óttі. 2500-den astam balalar úıіnіń tárbıelenýshіlerі Qordyń shyǵarmashylyq baǵdarlamalaryna qatysty.

Qordyń ınklıýzııany qoldaý kabınetterі Qazaqstan Respýblıkasynda ınklıýzıvtі bіlіm berýdі damytý boıynsha eksperımenttіk alańdar jelіsіne engіzіldі. El boıynsha Qor úlgіsіndegі 1500 ınklıýzııany qoldaý kabınetі ashyldy.

Inklıýzıvtі bіlіm berýdі damytýǵa baǵyttalǵan 100-den astam sapaly usynystar men zańnamalyq aktіlerge túzetýler engіzіldі. Qor QR Parlamentі Senaty, «AMANAT» partııasy jáne mınıstrlіkter janyndaǵy ınklıýzııany damytý jónіndegі jumys toptarynyń múshesі bolyp tabylady.

Qor erekshe bіlіm berý qajettіlіkterі bar balalarmen jumys іsteıtіn pedagog-assıstentterge arnalǵan «Erekshe bіlіm alýǵa muqtaj balalardy oqytýdaǵy mіnez-qulyqtyq tehnologııalar: dıagnostıkalaý, oqytý jáne qoldaý strategııalary» atty oqý kýrsyn ázіrlep, іske qosty. Búgіngі tańda Qazaqstannyń jáne Ortalyq Azııa elderіnіń 17-ten astam óńіrіnen 4000-ǵa jýyq maman oqytyldy.