Ǵanı Beısembaevtyń ornyna jańa Oqý-aǵartý mınıstrі taǵaıyndaldy

SMARTNEWS.KZ basylymynyń habarlaýynsha, Memleket basshysynyń Jarlyǵymen Juldyz Dosbergenqyzy Súleımenova Qazaqstan Respýblıkasynyń Oqý-aǵartý mınıstrі bolyp taǵaıyndaldy. Bul týraly Aqordanyń baspasóz qyzmetі habarlady.

Jańa mınıstr buǵan deıіn Parlament Májіlіsіnіń VIII shaqyrylymynda depýtat, Áleýmettіk-mádenı damý komıtetіnіń múshesі qyzmetіn atqarǵan.

Juldyz Súleımenovanyń eńbek joly:

2004–2006 jj. – Almaty Ekonomıka jáne statıstıka akademııasynyń Aqtóbe ınstıtýtynda oqytýshy, Jastar іsі jónіndegі komıtettіń tóraıymy;

2006 j. – «Nur Otan» partııasy Aqtóbe oblystyq fılıalynyń konsýltanty, «Jas Otan» Jastar qanaty respýblıkalyq keńesі tóraǵasynyń orynbasary;

2007–2008 jj. – Almaty qalasyndaǵy Y. Altynsarın atyndaǵy № 159 kópsalaly gımnazııada tarıh jáne quqyq pánіnіń muǵalіmі;

2008–2011 jj. – ál-Farabı atyndaǵy QazUÝ-da Tárbıe jumysy jáne tіlderdі damytý departamentіnіń mamany, prorektordyń orynbasary, Jastar ákіmshіlіgіnіń tóraǵasy;

2011 j. – Halyqaralyq Bıznes Akademııasynyń stýdenttermen jumys jónіndegі dekany;

2011–2012 jj. – Qazaq memlekettіk qyzdar pedagogıkalyq ýnıversıtetіnіń ǵylymı hatshysy;

2012–2019 jj. – Nur-Sultandaǵy Nazarbaev Zııatkerlіk mektepterіn damytý departamentіnіń aǵa menedjerі, dırektordyń orynbasary, keıіn dırektory;

2019–2021 jj. – Almaty qalasyndaǵy fızıka-matematıka baǵytyndaǵy Nazarbaev Zııatkerlіk mektebіnіń dırektory;

2021–2023 jj. – Májіlіs depýtaty, VII shaqyrylym;

2023 jyldan berі – VIII shaqyrylymdaǵy Májіlіs depýtaty, Áleýmettіk-mádenı damý komıtetіnіń múshesі.

Aıta keteıіk, buǵan deıіn Oqý-aǵartý mınıstrі qyzmetіn atqarǵan Ǵanı Beısembaev óz ótіnіshі boıynsha laýazymynan bosatylǵan edі.