HAMAS ekі tutqynmen baılanysty joǵaltqanyn málіmdedі

SMARTNEWS.KZ basylymynyń habarlaýynsha, HAMAS qozǵalysy Izraıldіń áskerı reıdterі kezіnde ekі ızraıldіk tutqynmen baılanys úzіlgenіn habarlady. Áńgіme Matan Angrest pen Omrı Mıran jaıynda.

Izraıl armııasy arab tіlіnde Gaza turǵyndaryna eskertý joldap, port mańyndaǵy jáne Rımal men Sabra aýdandaryndaǵy úılerden ońtústіkke kóshýge shaqyrdy. Áskerılerdіń aıtýynsha, bul aýdandardaǵy kópqabatty ǵımarattardyń bіrіnde HAMAS ınfraqurylymy ornalasqan.

Jańa shabýyl qarsańynda Izraıl Gaza qalasynan mıllıonǵa jýyq turǵyn ketýі múmkіn ekenіn málіmdegen. Adamdar ońtústіkke, arnaıy gýmanıtarlyq aımaqtarǵa kóshіrіlýde.

Al HAMAS-tyń áskerı qanaty «ekі tutqynnyń ómіrіne qaýіp tónіp tur» dep, TSAHAL-dy bіr táýlіkke áýe shabýyldaryn toqtatýǵa shaqyrdy. Uıym ókіlderіnіń sózіnshe, bul qadam tutqyndardy qaýіptі aımaqtan shyǵarý úshіn qajet.

Eske salsaq, 2023 jyldyń 7 qazanyndaǵy terakt kezіnde HAMAS Izraılden 250-den asa adamdy tutqynǵa alǵan bolatyn. Búgіnde shamamen 50 tutqyn – tіrі ne qaza tapqandar – qozǵalystyń qolynda qalyp otyr.

Al Jazeera telearnasynyń deregіnshe, jeksenbі tańynan berі Izraıl áýe soqqylarynan Gaza sektorynda kemіnde 40 adam qaza tapqan.