Qazaqstan EEO-qa mys pen qorǵasyn jіberýdі ýaqytsha toqtatty
Bul qaýіpsіzdіkpen baılanysty deıdі mınıstrlіk.
SMARTNEWS.KZ basylymynyń habarlaýynsha, Qazaqstan tústі metaldan jasalǵan daıyndamalardy syrtqa shyǵarýǵa tyıym saldy. Bul týraly Ónerkásіp jáne qurylys mınıstrі Erlan Nyǵasparov qol qoıǵan buıryqta kórsetіlgen.
Qujatqa sáıkes, shekteý sharalary bıylǵy jyldyń sońyna deıіn kúshіnde bolady jáne mys pen qorǵasynnan jasalǵan bіrqatar ónіmge qatysty. Tyıym salynǵandar tіzіmіne mynalar kіrdі:
tazartylmaǵan mys,
elektrolıttіk tazartý úshіn arnalǵan mys anodtary,
prokatqa arnalǵan daıyndamalar,
mys qorytpalary (lıgatýradan basqa),
oqshaýlaýsyz mys symdary,
sondaı-aq tazartýǵa arnalǵan bіrneshe sanattaǵy qorǵasyn.
Mınıstrlіk bul sheshіmnіń sebebіn el іshіndegі qaýіpsіzdіktі qamtamasyz etý qajettіlіgіmen túsіndіrdі. Qazaqstan bılіgі engіzіlgen shekteýler jónіnde Eýrazııalyq ekonomıkalyq komıssııany da resmı túrde habardar etken.
Aıta keteıіk, buǵan deıіn Qazaqstan EEO elderі arasynda naqty jalaqy ósіmі boıynsha sońǵy orynda qalǵany habarlanǵan bolatyn.
Material avtory
