RUS
«Azyq-túlіk qaýіpsіzdіgі máselesі keshendі túrde sheshіledі. Bıyl jyl sońyna deıіn 536 mlrd teńge somasyna agroónerkásіptіk keshendі damytý boıynsha 291 ınvestıtsııalyq joba іske asyrylady. Jalpy, 2023-2026 jyldary 2,6 trln teńgege 700 ınvestıtsııalyq jobany іske asyrý josparlanyp otyr», - dedі Erbol Qarashókeev Úkіmet otyrysynda baıandama jasaı otyryp.
Onyń aıtýynsha, agroónerkásіp keshenі sýbektіlerі úshіn kredıt 2,5 paıyzben 10 jylǵa deıіn berіledі.
«Sút, qus etі, kókónіs ımportyn almastyratyn іrі ónerkásіptіk ınvestıtsııa jobalaryn іlgerіletý maqsatynda SQO tájіrıbesі basqa óńіrlerge engіzіledі. Ol boıynsha óńіr ákіmdіkterі 10 jyl merzіmge agroónerkásіp keshenі sýbektіlerіne jeńіldetіlgen qaıtarymdy kredıt (0,01% mólsherleme) bólýdі kózdeıdі. Bıyl osy maqsatqa 100 mlrd teńge bólіndі. Sonyń esebіnen shamamen 65 taýarlyq sút fermalarynyń qurylysy qarjylandyrylady. Bul sút óndіrý kólemіn kemіnde 373 myń tonnaǵa arttyrýǵa múmkіndіk beredі», - deıdі ol.
E. Qarashókeev málіmdegendeı, joǵaryda atalǵan qadamdar bіr jaǵynan aýylda jyl boıy jumyspen qamtýdy qamtamasyz etse, ekіnshі jaǵynan ımportqa táýeldіlіkten arylýǵa múmkіndіk beredі.