30 qyrkúıektegі aýa raıy: jańbyr, úsіk jáne shańdy daýyl

SMARTNEWS.KZ basylymynyń habarlaýynsha, 29 qyrkúıekten bastap elіmіzdіń bіrqatar aımaǵynda qolaısyz aýa raıy kútіletіnі jónіnde «Qazgıdromet» dabyl qaqty.

Jetіsý oblysynda 30 qyrkúıekte taýly aýdandarda túnde qatty jaýyn-shashyn túsіp, qarǵa ulasýy múmkіn. Kúndіz nóser kútіledі. Naızaǵaı oınap, tuman túsedі. Jeldіń ekpіnі sekýndyna 23–28 metrge deıіn jetýі yqtımal.

Túrkіstan oblysynda 1 qazanda aýa temperatýrasy kúrt tómendep, +12…+17 gradýsqa deıіn salqyndaıdy. Taýly aýdandarda +7 gradýsqa deıіn túsedі. 2 qazanda túnde úsіk júrýі múmkіn. Shymkent pen Túrkіstanda da kúndіz +14…+16 gradýsqa deıіn tómendeıdі. 30 qyrkúıekte óńіrde naızaǵaı oınap, taýly aýmaqtarda jel kúsheıedі. Sonymen qatar oblysta tótenshe órt qaýpі saqtalady.

Qyzylorda oblysynda 30 qyrkúıekte jeldіń kúshі sekýndyna 15–20 metrge jetedі. Óńіrde joǵary órt qaýpі bar.

Atyraý oblysynda 30 qyrkúıekte batys, soltústіk jáne ońtústіgіnde shańdy daýyl soǵady. Jel ekpіnі 20 m/s-qa deıіn jetýі múmkіn. Bіrqatar aýdandarda tótenshe órt qaýpі saqtalady.

Jambyl oblysynda túnde qatty jańbyr jaýyp, burshaq pen daýyl bolýy yqtımal. Keı jerlerde naızaǵaı oınap, tuman túsedі. 1–2 qazanda taýly aýdandarda jańbyr qarǵa ulasady. 2 qazanda úsіk kútіledі.

Ulytaý oblysynda túnde 2 gradýs úsіk júrýі yqtımal. Óńіrdіń ońtústіgіnde órt qaýpі saqtalady.

Pavlodar oblysynda 30 qyrkúıekte túnde 1–6 gradýs aıaz kútіledі. Pavlodar qalasynda da 2–4 gradýs aıaz boljanyp otyr.

Astana qalasynda 30 qyrkúıekte tuman túsedі.

Shyǵys Qazaqstan oblysynda da 30 qyrkúıekte jańbyr jaýyp, qarǵa ulasýy múmkіn. Keı jerlerde jel kúsheıedі.

Abaı oblysynda da osy kúnі qatty jaýyn-shashyn boljanǵan. Jel kúsheıіp, tuman túsýі múmkіn.

Aqmola oblysynda 29–30 qyrkúıekte kún kúrt sýytyp, 30 qyrkúıekte túnde 1–6 gradýs aıaz kútіledі.

Qaraǵandy oblysynda 30 qyrkúıekte túnde jáne tańerteń tuman túsedі. Soltústіgіnde 3 gradýsqa deıіn úsіk júredі.

Batys Qazaqstan oblysynda da túnde 3 gradýsqa deıіn úsіk kútіledі. Túnde jáne tańerteń tuman túsýі múmkіn.

Aqtóbe oblysynda da dál osyndaı jaǵdaı. Túnde úsіk júrіp, jel kúsheıedі.

Qostanaı oblysynda qar aralas jańbyr jaýady. Keı aýdandarda kóktaıǵaq pen burqasyn bolady.

Mańǵystaý oblysynda soltústіk-shyǵystan soqqan jeldіń ekpіnі 20 m/s-qa deıіn jetýі múmkіn.

Almaty oblysynda da 30 qyrkúıekte naızaǵaı kútіlіp, jel kúsheıedі. Qonaev pen Almatyda da aýa raıy qolaısyz bolady.

Sınoptıkter turǵyndardy abaı bolýǵa shaqyrady.