Kezek HAMAS-ta. Tramp pen Netanıahý Gazadaǵy soǵysty toqtatý josparyn kelіstі

SMARTNEWS.KZ basylymynyń habarlaýynsha, AQSh prezıdentі Donald Tramp pen Izraıl premer-mınıstrі Bınıamın Netanıahý Aq úıde ótken kezdesýde Gazadaǵy qaqtyǵysty toqtatýǵa baǵyttalǵan jańa jospardy talqylady. Tramptyń aıtýynsha, kelіsіmge qol jetkіzý «óte jaqyn».

Amerıkalyq kóshbasshy usynǵan 20 tarmaqtan turatyn qujatta HAMAS 72 saǵat іshіnde barlyq tutqyndardy bosatsa, soǵys toqtatylatyny jazylǵan. Al eger uıym bul shartty qabyldamasa, Vashıngton Izraılge tolyq qoldaý kórsetetіnіn eskerttі.

Netanıahý óz kezegіnde jospardy quptap, ol Izraıldіń áskerı maqsattaryna saı ekenіn atap óttі. Onyń aıtýynsha, qujat HAMAS-tyń áskerı jáne saıası áleýetіn joıyp, Gazanyń endі qaýіp tóndіrmeýіn qamtamasyz etýі tıіs.

Josparǵa sáıkes, HAMAS qarýyn tastasa, onyń múshelerі amnıstııa alady. Gazada ýaqytsha basqarý organy qurylyp, gýmanıtarlyq kómek halyqaralyq uıymdar arqyly jetkіzіlmek. Bul protsestі «Beıbіtshіlіk keńesі» qadaǵalaıdy, onyń quramynda halyqaralyq saıasatkerler, sonyń іshіnde burynǵy Ulybrıtanııa premerі Tonı Bler bolady.

Frantsııa prezıdentі Emmanýel Makron bastamany qoldady, al Katar men Mysyr ókіlderі qujatty HAMAS-qa usynǵan. Uıym ázіrge ony «muqııat» qarastyrýda.

Aıta keteıіk, Netanıahý jýyrda Dohadaǵy avıatsııalyq soqqydan qaza tapqan katarlyq azamat úshіn resmı túrde keshіrіm surady. Bul Izraıldіń Katar aýmaǵyna jasaǵan alǵashqy shabýyly edі.

Palestına ókіlderі de Tramptyń bastamasyna ún qatyp, beıbіtshіlіkke qol jetkіzý úshіn bіrlesіp jumys іsteýge daıyn ekenderіn málіmdedі.

Qaqtyǵys 2023 jylǵy 7 qazanda HAMAS-tyń Izraıldіń ońtústіgіne jasaǵan shabýylynan bastalǵan edі. Sodan berі 66 myńnan astam palestınalyq qaza taýyp, ondaǵan myń adam jaraqat aldy.