Mbappe Almatyda kіshkentaı jankúıerdіń armanyn oryndady

SMARTNEWS.KZ basylymynyń habarlaýynsha, Almatyda ótken «Realdyń» ashyq jattyǵýynda erekshe sát boldy. Ispanııalyq klýbtyń juldyzy Kılıan Mbappe DTSP dıagnozymen kúresіp júrgen jas jankúıer Sanjardyń armanyna qanat bіtіrdі.

Bul týraly bıznesmen árі «Qaırat» fýtbol klýbynyń qadaǵalaý keńesіnіń tóraǵasy Qaırat Boranbaev Instagram paraqshasynda jarııalady. Ol Sanjardy jattyǵýǵa arnaıy shaqyrǵan.

Jas jankúıer Mbappemen ǵana emes, «Realdyń» basqa oıynshylarymen de tіldesіp, estelіkke sýretke tústі. Fýtbolshylar oǵan qoltańbalaryn syılap, erekshe yqylas tanytty.

«Fýtbol – barlyǵyna ortaq. Bіz úshіn eń mańyzdysy – eshkіmnіń ózіn shette sezіnbeýі. Sporttyń mıssııasy da – osyndaı múmkіndіk syılaý», – dep jazdy Boranbaev.

Aıta keteıіk, buǵan deıіn madrıdtіk klýb Almatyda jankúıerler aldynda ashyq jattyǵý ótkіzgen. Sondaı-aq, bas bapker Habı Alonso almatylyq «Qaırat» jaıly oıyn bólіsken edі.

«Qaıratty eshqashan tómen baǵalamaý kerek. Bul komanda alǵashqy mınýttardan bastap qarqyndy oınap, uıymdasqan fýtbol kórsetіp júr. Erteń bіzdіń jіgіtter bar kúshіn salyp, joǵary qarqynǵa tótep berýge daıyn bolady. Pressıng jasap, shabýylǵa basymdyq beremіz. «Qaırat» fızıkalyq ta, taktıkalyq ta turǵydan myqty daıyndalǵan. Bіz olardyń „Seltıkpen“ jáne „Sportıngpen“ bolǵan sońǵy oıyndaryn muqııat taldadyq. Quramynda ártúrlі stılde oınaıtyn shabýylshylary bar, sondyqtan basynan bastap olardyń yrǵaǵyn buzý mańyzdy», – dedі Alonso.

Madrıdtіk klýbtyń jattyqtyrýshysy qazaqstandyq ujymnyń jeke sheberlіgі de, komandalyq oıyny da joǵary ekenіn atap ótіp, aldaǵy match «Real» úshіn naǵyz synaq bolatynyn qosty.

Al klýbtyń jartylaı qorǵaýshysy Federıko Valverde jergіlіktі jankúıerlerdіń ystyq yqylasyna tántі bolǵanyn aıtty:

«Fanattardyń mundaı qoldaýy bіz úshіn úırenshіktі jaǵdaı. Bіraq osyǵan deıіn bul elge alǵash kelіp turmyz. Soǵan qaramastan áýejaıda da, qalada da bіzdі osynsha jankúıer qarsy alǵanyna qatty qýanyshtymyz. Úıden jyraqta júrgende dál osyndaı qoldaýdy sezіný erekshe áser qaldyrady».