Tálіpter Aýǵanstandy tolyqtaı ınternetsіz qaldyrdy
Talıban ınternettі óshіrý – arsyzdyqpen kúres ekenіn atap óttі.
SMARTNEWS.KZ basylymynyń habarlaýynsha, Aýǵanstanda ınternet bіrtіndep óshіrіle bastaǵanyna bіrneshe apta bolǵan. Al 29 qyrkúıek keshke el aýmaǵynda múldem jelі іstemeı qaldy.
NetBlocks veb-baqylaý qyzmetіnіń deregіnshe, «Talıban» búkіl baılanys arnalaryn kezeń-kezeńіmen ajyratyp, muny «arsyzdyqpen kúres» qajettіlіgіmen túsіndіrgen. Bılіk «balama arnalar qurýǵa nıettіmіz» dep málіmdedі, bіraq naqty qandaı tetіkter qoldanylatynyn ashyp aıtqan joq.
Kabýlda talshyqty-optıkalyq ınternet toqtap, sonymen qatar mobıldі baılanys pen spýtnıktіk teledıdarda da іrkіlіster baıqaldy.
Shekteýler kólіk qatynasyna da áser ettі: elordalyq áýejaıda bіrneshe reıs toqtatyldy. Jergіlіktі kásіpkerler mundaı jaǵdaı uzaqqa sozylsa, úlken shyǵynǵa batatynyn eskertіp otyr.
Burynǵy 1TV telearnasynyń bas redaktory Hamıd Haıdarı áleýmettіk jelіde:
«Aýǵanstan ınternettі tolyq óshіrіp, resmı túrde Soltústіk Koreıadan da ozyp kettі», – dep jazdy.
2021 jyly bılіkke kelgen tálіpter eldegі bіlіm berý men adam quqyqtaryna qatysty saıasatty qatańdatyp keledі. Sharıǵat erejelerіn óz túsіnіkterіne saı engіzіp jatqan bılіktіń tyıymdarynyń kóbі áıelderge baǵyttalǵan. Qazіr olar úshіn saıabaqqa ne bazarǵa barý, úkіmettіk emes uıymdarda jumys іsteý, betіn jappaı kóshege shyǵý, ashyq sóıleý jáne ózara erkіn áńgіmelesý — qatań tyıym salynǵan áreketke aınaldy.
Material avtory
