RUS
«Memleket basshysy Qurylys kodeksіn qabyldaýdyń mańyzdylyǵyn atap óttі. Qurylys salasyn jetіldіrý kerek. Indýstrııa jáne ınfraqurylymdyq damý mınıstrlіgі qurylys salasyndaǵy barlyq quqyqtyq olqylyqtar men qaıshylyqtardy joıýy qajet. Budan bólek, turǵyn úı saıasatyn qaıta qaraý qajet. Baspanaǵa barynsha muqtaj adamdarǵa basymdyq berіlýі tıіs. Indýstrııa mınıstrlіgі múddelі memlekettіk organdarmen bіrlesіp, 1 aı merzіmde naqty tásіlderdі ázіrleýі qajet. Shekara mańyndaǵy aýdandarǵa qonys aýdarǵysy keletіn azamattar úshіn turǵyn úı baǵasyn arzandatýǵa kóńіl bólý kerek», - dedі Á. Smaıylov Úkіmet otyrysynda Prezıdenttіń QR Parlamentі sessııasynyń ashylýynda bergen tapsyrmalaryn іske asyrý barysyn talqylaý kezіnde.
Onyń aıtýynsha, shekara mańyndaǵy aýdandardy damytýda tіrshіlіkke qajettі ınfraqurylymdy qarjylandyrýǵa basymdyq berý mańyzdy.
«Jergіlіktі turǵyndar úshіn jańa qoldaý sharalary, sonyń іshіnde jalaqy men basqa da áleýmettіk tólemderge ústemeaqylardy qarastyrý qajet. Ulttyq ekonomıka mınıstrlіgі múddelі memlekettіk organdarmen jáne ákіmdіktermen bіrlesіp, osy sharalardy іske asyrýǵa kіrіsýі tıіs», - dedі Úkіmet basshysy.