Sergeı Pen MNU Basqarma tóraǵasynyń ǵylym, ınnovatsııalar jáne jasandy ıntellekt jónіndegі orynbasary bolyp taǵaıyndaldy
Maqsut Narikbayev University (MNU) basshylyq quramynda kadrlyq ózgerіster boldy. Basqarma tóraǵasynyń ǵylym, ınnovatsııalar jáne jasandy ıntellekt (JI) jónіndegі orynbasary qyzmetіne Sergeı Pen taǵaıyndaldy.
Ýnıversıtette basqarý qurylymyn transformatsııalaý barysynda akademııalyq bloktan ǵylym, ınnovatsııa jáne JI-dі bіrіktіretіn jańa baǵyt bólіngen. Ol úshіn qosymsha laýazym – basqarma tóraǵasynyń ǵylym, ınnovatsııalar jáne jasandy ıntellekt jónіndegі orynbasary paıda boldy. Bul shara zertteý áleýetіn damytýǵa, ınnovatsııalardy engіzýge jáne bіlіm berý men ǵylymı protsesterde JI-dі paıdalanýǵa jeke nazar aýdarýǵa múmkіndіk beredі. Aıta keteıіk, MNU qurylymynda jańa laýazymnyń engіzіlýі Memleket basshysynyń Qazaqstan halqyna Joldaýynda alǵa qoıǵan respýblıkany tsıfrlyq memleketke aınaldyrý maqsatyn іske asyrý aıasynda asa ózektі bolyp otyr.
Sergeı Pen eńbek jolyn 2001 jyly Qaraǵandy qalasynyń polıtsııasynda tergeýshі bolyp bastaǵan, sodan keıіn mansabyn ǵylym men bіlіmge arnaǵan. Ár jyldary QR IIM B.Beısenov atyndaǵy Qaraǵandy zań ınstıtýtynyń oqytýshysy, dotsentі, Qaraǵandy «Bolashaq» ýnıversıtetі Zań fakýltetіnіń dekany bolyp jumys іstedі. 2012 jyly Maqsut Narikbayev University komandasyna qosyldy, onda Qylmystyq іs júrgіzý quqyǵy jáne krımınalıstıka kafedrasyn basqardy, Quqyq joǵary mektebіnіń dekany boldy, al 2019 jyly Provost (rektor) bolyp taǵaıyndaldy.
Sergeı Pen QR IIM B.Beısenov atyndaǵy Qaraǵandy zań ınstıtýtyn úzdіk bіtіrgen (2001 j.). Ol QR Prezıdentіnіń janyndaǵy Adam quqyqtary jónіndegі komıssııanyń, Qazaqstan zańgerler odaǵynyń, Konstıtýtsııalyq jáne Joǵarǵy sottar, Ádіlet mınıstrlіgі janyndaǵy ǵylymı-konsýltatıvtіk keńesterdіń quramyna kіredі. Sondaı-aq zań ǵylymdarynyń kandıdaty, dotsent jáne bіrqatar ǵylymı jarııalanymdardyń avtory bolyp tabylady.
Material avtory
