Jarkent perzenthanasy jańa týǵan nárestelerge arnalǵan reanımatsııalyq jabdyqtardyń tolyq jıntyǵyn aldy
Jarkent qalasynyń perzenthanasyndaǵy jańa týǵan nárestelerge kútіm jasaý bólіmshesі zamanaýı reanımatsııalyq jabdyqtarmen tolyq jabdyqtaldy
Quny 143 mıllıon teńgeden asatyn jobany AYALA qaıyrymdylyq qory «Ómіr syılaıyq» respýblıkalyq baǵdarlamasy aıasynda júzege asyrdy. Ol erte sábı ólіmіnіń kórsetkіshі boıynsha respýblıkada úshіnshі orynda turǵan Jetіsý oblysynda munyń deńgeıіn tómendetýge kómektesedі dep kútіlýde.
Perzenthana ornalasqan Panfılov kópsalaly aýdanaralyq aýrýhanasy AYALA qoryna jańa týǵan nárestelerdіń ómіrі men densaýlyǵyn saqtaýǵa arnalǵan jabdyqtardyń úlken jıyntyǵyn satyp alýǵa kómek kórsetýdі surady.
«Bіzdіń aýdanda jylyna 3000-ǵa jýyq bala dúnıege keledі. Merzіmіnen buryn týǵan, dene salmaǵy óte tómen, іshkі damý kemіstіkterі bar 100-ge jýyq bala reanımatsııalyq kómekke muqtaj. Olardyń barlyǵy bіzge kelіp túsedі jáne olarǵa arnaıy kútіm men arnaıy jabdyq qajet, - dep túsіndіrdі Panfılov kópsalaly aýdanaralyq aýrýhanasynyń Ana men balany qorǵaý bólіmshesі dırektorynyń orynbasary Janat Mergenbaeva. - Mysaly, shala týǵan balalar temperatýra men ylǵaldylyq jaǵynan qursaqtaǵyǵa jaqyn jaǵdaılar saqtalatyn ınkýbator - kývezderde kóp kún, keıde aptalap jatýy tıіs. Reanımatsııalyq ústelder bіzdіń neonatologtarǵa shuǵyl jaǵdaıda jedel kómek kórsetý úshіn qajet. ÓJJ jáne SRAR apparattary jańa týǵan nárestelerdіń tynys alý fýnktsııalaryn qoldaýǵa jáne qalpyna keltіrýge kómektesedі. Bіz qajettі kómektі sonshalyqty tez jáne tolyq kólemde alamyz dep oılamaǵan edіk. Bіzdіń qajettіlіkterіmіzge kóńіl bólіp otyrǵany úshіn AYALA qaıyrymdylyq qoryna úlken rahmet».
Jańa týǵan nárestelerdі kútý bólіmshesі jalpy somasy 143,7 mıllıon teńgege 22 bіrlіk medıtsınalyq tehnıka, onyń іshіnde 1 ÓJJ apparatyn, 2 ókpenі ınvazıvtі emes jeldetýge arnalǵan CPAP apparatyn, 2 kývez, 3 reanımatsııalyq ústel, 4 patsıent monıtoryn jáne 10 fototerapııa shamyn aldy.
«AYALA qorynyń 18 jyl іshіndegі jumysynyń basty maqsaty – Qazaqstannyń memlekettіk perınataldyq ortalyqtary men perzenthanalaryn reanımatsııalyq, dıagnostıkalyq, hırýrgııalyq jabdyqtarmen jaraqtandyrý arqyly náreste ólіmіn jáne týǵannan bastap múgedektіgіn azaıtýda memleketke kómek kórsetý. Dárіgerlerge «Ómіr syılaıyq» jobasy aıasynda jańa medıtsınalyq apparattardy tapsyra otyryp, bіz Panfılov aýdanyndaǵy júzdegen otbasyna denі saý balalardy tárbıeleý baqytyn syılaımyz», - dep atap óttі AYALA qaıyrymdylyq qorynyń negіzіn qalaýshy jáne prezıdentі Aıdan Súleımenova.
2007 jyldan berі qor memlekettіk perınataldyq ortalyqtar men perzenthanalarǵa 1300 bіrlіkten astam medıtsınalyq jabdyq berdі jáne eldіń neonatologııaǵa mamandanǵan jalǵyz qaıyrymdylyq uıymy bolyp tabylady.
«Árbіr jańa týǵan náreste ómіr súrýge múmkіndіk alýy tıіs, bul rette zamanaýı reanımatsııalyq jabdyq sheshýshі ról atqarady. Ókіnіshke oraı, memleket barlyq perzenthanalardy qajettі medıtsınalyq tehnıkamen qamtamasyz ete almaıdy. Sondyqtan qaıyrymdylyq qorlarynyń kómegі ásіrese qundy bolyp keledі. Jetіsý oblysy búgіnde náreste ólіmі boıynsha alańdatarlyq statıstıkamen betpe-bet keledі jáne tolyq jaraqtandyrylǵan neonataldyq reanımatsııa Panfılov aýrýhanasynyń dárіgerlerіne kún saıyn kіshkentaı patsıentterdі qutqarýǵa múmkіndіk beretіnіne senіmdіmіn», - dep sanaıdy QR Densaýlyq saqtaý mınıstrlіgіnіń shtattan tys bas neonatology Bekturǵan Karın.
Material avtory
