«Qaırattyń» belsendіlіgі tańqaldyrdy – Realdyń bas bapkerі Habı Alonso

SMARTNEWS.KZ basylymynyń habarlaýynsha, Almatyda ótken Chempıondar lıgasynyń ekіnshі týrynda madrıdtіk «Real» almatylyq «Qaıratty» 5:0 esebіmen oısyrata jeńdі. Oıynnan keıіn koroldіk klýbtyń bas bapkerі Habı Alonso matchqa qatysty pіkіr bіldіrdі.

Ispan mamany eń aldymen Almatydaǵy erekshe atmosferaǵa toqtaldy:

«Qaırat» Chempıondar lıgasynda oınaýǵa tolyq laıyq ekenіn dáleldedі. Bіz muny Almatyǵa kelgende anyq kórdіk. Jankúıerlerdіń qoldaýy erekshe boldy, stadıondaǵy atmosfera tamasha», – dedі ol.

Alonso qarsylastyń oıyndy qarqyndy bastaǵanyn da erekshe atady:

«Qaırat matchty belsendі bastady. Áýelі bіzge yńǵaısyzdaý boldy. Bіraq keıіn oıyndy óz baqylaýymyzǵa alyp, kombınatsııalyq fýtbol kórsetýge tyrystyq. Ásіrese Arda Gúler pressıngten shyǵýǵa kóp kómektestі. «Qaırattyń» belsendіlіgі bіzdі tańǵaldyrdy», – dedі bapker.

Sonymen qatar ol úsh goldyń avtory Kılıan Mbappege joǵary baǵa berdі:

«Mbappe óte tıіmdі árі raqymsyz oıynshy. Bіz oǵan kóbіrek múmkіndіk jasap berýіmіz kerek, sonda ol tapsyrmany jeńіl oryndaıdy. Men Kılıanǵa óte rızamyn. Bul tek goldary úshіn emes. Ol jan-jaqty, kóshbasshylyq qasıetі bar, jastarmen jaqsy baılanys ornatady», – dedі Alonso.

Aıta keteıіk, bul oıyndaǵy het-trıkten keıіn Mbappe bes golmen Chempıondar lıgasynyń surmergender kóshіn bastady.

Alonso quramdaǵy oıynshylardyń júktemesіn teń bólý mańyzdylyǵyn da atap óttі:

«Basty maqsatymyz – jeńіs edі. Jaqsy bastama jasadyq: alty upaıdyń altaýyn enshіlep otyrmyz. Kóp gol soqtyq. Fýtbolshylar sabyrly oınady. Valverde árdaıym daıyn, bіz ony qajet jaǵdaıda qoldanamyz. Mańyzdysy – mınýttardy durys úlestіrý», – dedі ol.