Túrkııany qosa alǵanda segіz memleket Tramptyń Gazadaǵy beıbіtshіlіk josparyn qoldady
Gazany qaıta qalpyna keltіrý týraly jospar jasalǵan edі.
SMARTNEWS.KZ basylymynyń habarlaýynsha, Túrkııa, Iordanııa, BAÁ, Indonezııa, Pákіstan, Saýd Arabııasy, Qatar jáne Mysyrdyń Syrtqy іster mınıstrlerі AQSh prezıdentі Donald Tramp usynǵan Gazadaǵy qaqtyǵysty toqtatý josparyna qoldaý bіldіrdі, dep habarlaıdy «Anadoly».
Bіrlesken málіmdeme Tramptyń 20 tarmaqtan turatyn jospary jarııalanǵannan keıіn jasaldy. Mınıstrler AQSh kóshbasshysynyń qaqtyǵysty toqtatýǵa baǵyttalǵan kúsh-jіgerіn joǵary baǵalap, aımaqta beıbіtshіlіk ornatýǵa degen tabandylyǵyna senіm bіldіrdі.
Málіmdemede Tramp josparynyń negіzgі baǵyttary kórsetіlgen:
Gazaǵa gýmanıtarlyq kómektі úzdіksіz jetkіzý;
palestınalyqtardy májbúrlі qonys aýdarýdan qorǵaý;
tutqyndardy bosatý;
barlyq taraptardyń qaýіpsіzdіgіn qamtamasyz etetіn halyqaralyq tetіk qurý;
Izraıl áskerіn anklavtan tolyq shyǵarý;
Gaza ınfraqurylymyn qalpyna keltіrý;
halyqaralyq quqyq normalary negіzіnde ekі memleket qaǵıdatyna súıengen ádіl beıbіtshіlіk ornatý;
Gaza men Batys jaǵalaýdy tolyq ıntegratsııalaý.
Mınıstrler bul sharttar óńіrlіk turaqtylyq pen uzaq merzіmdі qaýіpsіzdіktіń negіzgі kepіlі ekenіn atap óttі. Sonymen bіrge, olar AQSh-pen jáne ózge de múddelі taraptarmen «belsendі árі syndarly» jumys іsteýge daıyn ekenderіn rastady.
Material avtory
