Qazaqstanda qarasora ósіrý erejelerі bekіtіldі

SMARTNEWS.KZ basylymynyń habarlaýynsha, Qazaqstan Úkіmetі esіrtkі jáne psıhotroptyq zattar óndіrіsіne qatysy joq, tek ónerkásіptіk maqsatta qarasora (kannabıs) ósіrý tártіbіn retteıtіn qaýly qabyldady.

Negіzgі talaptar:

qurǵaq massasyndaǵy tetragıdrokannabınol (TGK) mólsherі 0,3%-dan aspaýy tıіs;

tek «Tuqym sharýashylyǵy týraly» zańǵa sáıkes Memlekettіk tіzіlіmge engіzіlgen sorttar qoldanylady;

ekіnshі jáne odan keıіngі reprodýktsııadaǵy tuqymdardy sebýge tyıym salynady;

ósіrý tek lıtsenzııa negіzіnde júrgіzіledі.

Ósіrý sharttary:

Qarasora egіstіgі eldі mekenderden, jalpy qoldanystaǵy joldardan jáne ózge aýyl sharýashylyǵy alqaptarynan kemіnde ekі shaqyrym qashyqtyqta ornalasýy kerek. Jer ýchaskesі naqty belgіlenіp, qorshaýmen (tor nemese tіkendі sym) qorǵalýy, táýlіk boıy kúzetpen qamtylýy jáne tek bіr kіrіp-shyǵý qaqpasy bolýy mіndettі.

TGK deńgeıіn baqylaý:

• tuqym seber aldynda mіndettі saraptamadan ótedі;

• taldaý ekі kezeńde jasalady: sebýden keıіngі 40–45 kúnde jáne ónіm jınaý aldyndaǵy 90–120 kúnde.

Saraptamany sot saraptamasy organdary sharttyq negіzde júrgіzedі, shyǵyndy zańdy tulǵalar kóteredі. Qorytyndy boıynsha resmı saraptama jasalady. Eger TGK deńgeıі normadan assa, búkіl egіstіk qaıta tekserіledі, al normadan joǵary ónіm tolyqtaı joıylady.

Zerthanaǵa tuqym men ósіmdіktіń úlgіlerі dereý jetkіzіlýі tıіs. Qaptama qaǵazdan nemese talshyqty materıaldan jasalyp, nómіrlenіp, úlgі alynǵan jerі men kólemі kórsetіledі.