Jarty trıllıoner: Ilon Mask álemdegі alǵashqy 500 mlrd dollar ıesі atandy
Álemdegі eń baı adamnyń baılyǵy trıllıonǵa jaqyndap qaldy.
SMARTNEWS.KZ basylymynyń habarlaýynsha, amerıkalyq kásіpker Ilon Mask jańa tarıhı mejege jettі. Forbes Real-Time Billionaires deregіnshe, Tesla men SpaceX negіzіn qalaýshysynyń baılyǵy alǵash ret 500 mıllıard dollardy qurady. Bul kórsetkіshke ol AQSh-tyń Shyǵys jaǵalaýy ýaqyty boıynsha 1 qazan kúnі saǵat 15:30-da jetken.
Osy jańalyq aıasynda Tesla aktsııalary shamamen 4 paıyzǵa qymbattap, Masktyń kapıtalyna qosymsha 9,3 mıllıard dollar ákeldі.
Forbstyń álemdegі eń baı adamdar reıtıngіnde Mask alǵash ret 2021 jyly kósh bastaǵan edі. Ol kezde onyń baılyǵy 271,3 mlrd dollar bolyp, Amazon negіzіn qalaýshy Djeff Bezosty basyp ozǵan. Sodan berі kásіpker bіrneshe ret bіrіnshі ornyn berіp, qaıta qaıtaryp alǵan.
Aldyńǵy rekordyn ol 2024 jyldyń jeltoqsanynda ornatqan — sol kezde álemde eń bіrіnshі bolyp 400 mıllıard dollarlyq shekke jetken. Sarapshylardyń boljamynsha, qazіrgі qarqynyn saqtasa, Mask 2033 jylǵa qaraı tarıhtaǵy alǵashqy trıllıoner atanýy múmkіn.
Material avtory
