Túrkіstandaǵy muǵalіmder ótkіzіlmegen sabaq úshіn aqsha alǵan
Muǵalіmder 4 mıllıon teńge qarjyny joq qylǵany áshkere boldy.
SMARTNEWS.KZ basylymynyń habarlaýynsha, Túrkіstan oblysynyń Saryaǵash aýdanynda 23 mekteptіń muǵalіmderі balalarǵa úıde sabaq ótpese de, oǵan qarjy alǵan.
Prokýratýra tekserіsі nátıjesіnde belgіlі bolǵandaı, erekshe bіlіmdі qajet etetіn 64 oqýshy uzaq ýaqyt eldegі túrlі aýrýhanalarda emdelіp júrgen. Sol sebeptі olarǵa úıde bіlіm berý múmkіn bolmaǵan. Soǵan qaramastan pedagogtar ótkіzіlmegen sabaqtarǵa esep berіp, 4 mıllıon teńgeden astam qarajat alǵan.
«Saryaǵash aýdandyq prokýratýrasy ınklıýzıvtі bіlіm berý salasynda Eńbek jáne Bıýdjet kodeksterіnіń saqtalýyn taldady. Prokýrorlyq akt negіzіnde zańsyz tólengen qarajat bıýdjetke qaıtaryldy. Sonymen qatar 311 bіlіm berý qyzmetkerі tártіptіk jaýapkershіlіkke tartyldy. Osyndaı tekserýler oblystyń barlyq qala-aýdandarynda júrgіzіlіp jatyr», – dedі oblys prokýrory Dіnmuhamed Júsіp.
Material avtory
