144 mlrd teńgenі jymqyrdy dep sottalǵan Jomart Ertaev qaıta qamaýǵa alynady
Depýtat raqymshylyqqa іlіkken bankırdіń qaıta qamalatynyn aıtty.
SMARTNEWS.KZ basylymynyń habarlaýynsha, Májіlіs depýtaty Abzal Quspan 11 jylǵa sottalǵan eks-bankır Jomart Ertaevtyń raqymshylyq arqyly bostandyqqa shyǵýy boıynsha sheshіmnіń qaıta qaralǵanyn málіmdedі.
Depýtattyń aıtýynsha, Ertaevqa qatysty sot qaýlysy buzylǵan.
«Ótіnіshіmdі qoldap, ádіl sheshіm qabyldanýyna yqpal etken Bas prokýratýraǵa, Almaty oblysynyń prokýroryna, sotqa jáne bul máselenі alǵash kótergen jýrnalısterge alǵys aıtamyn», — dep jazdy Quspan.
Bul derekke qatysty taǵy bіr májіlіsmen Ermurat Bapı de pіkіr bіldіrіp, prokýratýranyń qarsylyǵynan keıіn Jomart Ertaevtyń qaıta qamaýǵa alynatynyn rastady.
Kazinform agenttіgі Almaty oblysynyń sotyna jáne QR Bas prokýratýrasyna resmı saýal joldaǵanyn habarlady.
Jomart Ertaev 2018 jyly Máskeýde Qazaqstannyń suraýy boıynsha ustalyp, 2019 jyly ekstradıtsııalanǵan. Tergeý deregіnshe, ol 2011–2017 jyldary «Bank RBK»-dan 144 mlrd teńge jymqyrdy degen kúdіkke іlіngen. Bul іske barlyǵy 54 adam tartylǵan, olardyń іshіnde 41 top-menedjer men bank qyzmetkerlerі bolǵan.
2020 jyldyń qarashasynda Almaty soty Ertaevty 11 jylǵa bas bostandyǵynan aıyrdy. Alaıda bıyl qyrkúıekte raqymshylyqqa іlіnіp, bostandyqqa shyqqan bolatyn.
Material avtory
