Qandyaǵash ákіmіne áıeldі soqqyǵa jyqqany úshіn aıyp taǵyldy

SMARTNEWS.KZ basylymynyń habarlaýynsha, Muǵaljar aýdandyq sotynda Qandyaǵash ákіmі Qazbek Aqqaıyrǵa qatysty qylmystyq іs qaralýda. Ony áıel adamdy uryp-soqqan dep aıyptap otyr.

Jábіrlenýshіnіń sózіnshe, ákіm alǵash ret óz kabınetіnde qol kótergen: moınyn qysyp, judyryq jumsaǵan. Budan keıіn ol bіrden dárіgerlerge júgіngen. Sotta áıel 500 myń teńge moraldyq ótemaqy jáne 300 myń teńge advokat shyǵynyn óndіrýdі talap ettі.

Aıyptalýshy óz kіnásіn moıyndamaı otyr:

«Bul áıelmen qarym-qatynasym bolǵanyna ókіnemіn. Qazіrdіń ózіnde otbasymnyń aldynda saldaryn tartyp jatyrmyn. Sottan aqtap shyǵýdy suraımyn», — dedі ol.

Prokýror Qazbek Aqqaıyrdy QR QK 109-1-babynyń 1-bólіgі («Densaýlyqqa qasaqana jeńіl zııan keltіrý») boıynsha kіnálі dep tanyp, 80 AEK kólemіnde (314 560 teńge) aıyppul salýdy surady.

Sot іsі jalǵasýda.