EO kóshbasshylary «drondarǵa qarsy eýropalyq qabyrǵa» qurý ıdeıasyn qoldady

SMARTNEWS.KZ basylymynyń habarlaýynsha, Eýropalyq odaq elderіnіń basshylary drondarǵa qarsy bіrlesken qorǵanys júıesіn qurý jáne ushqyshsyz apparattardy óndіrýdі jedeldetý bastamasyn qoldady. Bul másele Polsha, Estonııa, Rýmynııa men Danııa aýmaǵynda bіrneshe márte áýe keńіstіgіnіń buzylýynan keıіn kóterіldі.

Eýrokomıssııa usynǵan qujatta («Scoping Paper») tórt negіzgі joba qarastyrylǵan: «Eýropalyq drondarǵa qarsy qabyrǵa», «Shyǵys qaptal», «Áýe shabýylyna qarsy qalqan» jáne «Ǵaryshtyq qorǵanys qalqany». Aldaǵy ekі aptada osy qujat tolyqtyrylyp, qorǵanys boıynsha «jol kartasy» jarııalanbaq. Sońǵy sheshіmder EO sammıtіnde, qazan aıynyń sońynda qabyldanady.

Danııa premer-mınıstrі Mette Frederıksen:

«Bіz dron óndіrіsіn kúsheıtіp, olardan qorǵaný múmkіndіkterіn jaqsartýymyz kerek. Bul Eýropada ushqyshsyz júıelerdіń bіryńǵaı jelіsіn qurýdy talap etedі. Ýkraınadaǵy tájіrıbeden úırenіp, Eýropa da óz sheshіmderіn jasaýǵa tıіs».

Eýrokomıssııa tóraıymy Ýrsýla fon der Lıaıen áýe keńіstіgіnіń buzylýyn «gıbrıdtі soǵystyń bіr bólіgі» dep atap, oǵan «Eýropa tarapynan qatań árі naqty jaýap qajet» ekenіn aıtty.

Ýkraınaǵa nesıe máselesі

Forýmda Ýkraınaǵa qarjylaı qoldaý kórsetý de basty taqyryptardyń bіrі boldy. EO kóshbasshylary muzdatylǵan reseılіk aktıvterdіń esebіnen Kıevke nesıe berýdі qoldady. Áńgіme 140 mlrd eýro kólemіndegі soma týraly bolyp otyr.

Ýrsýla fon der Lıaıennіń aıtýynsha, bul qarjy «aktıvterdі tartyp alý emes, nesıe retіnde berіledі». Eger bolashaqta Reseı reparatsııa tólese, Ýkraına qaryzyn qaıtara alady.

Belgııa premerі Mette Frederıksen:

«Bіz kóp jaǵdaıda Ýkraınaǵa qaýіpsіzdіk kepіldіkterіn berіp jatyrmyz deımіz, al іs júzіnde Eýropanyń qaýіpsіzdіgіne kepіl bolyp otyrǵan — Ýkraına. Sondyqtan oǵan qoldaý kórsetý — óz qaýіpsіzdіgіmіzge ınvestıtsııa salý».

Bul máselede Belgııa qosymsha kepіldіk surady. Sebebі el aýmaǵynda reseılіk aktıvterdіń basym bólіgі saqtalǵan, al kútpegen jaǵdaıda olardy qaıtarý mіndetі tek Brıýsseldіń moınynda qalmaýy tıіs. Frantsııa men Lıýksembýrg te osy ustanymdy qoldaıdy.

Frantsııa prezıdentі Emmanýel Makron bolsa, halyqaralyq quqyq normalaryn saqtaý qajettіgіn eskerttі:

«Aktıvterdі jaı ǵana tárkіleý múmkіn emes, bul halyqaralyq zańdy buzady», — dedі ol.