«Qaırat» – «Real» matchynan keıіn Nurálі Álıev ákesіnіń eńbegі zor ekenіn jetkіzdі
Ol Rahat Álıevtіń bastamasymen Qazaqstan ÝEFA-ǵa qosylǵanyn aıtty.
SMARTNEWS.KZ basylymynyń habarlaýynsha, Qazaqstannyń tuńǵysh prezıdentі Nursultan Nazarbaevtyń nemeresі Nurálі Álıev Almatydaǵy tarıhı «Qaırat» – «Real Madrıd» oıynynan soń ákesі Rahat Álıevtіń atqarǵan eńbegіn atap óttі.
Nurálі Álıev Instagram paraqshasynda marqum ákesіn eske alǵandar kóp bolǵanyn jazdy. Ol Qazaqstan fýtbol federatsııasyn basqarǵan tusta Rahat Álıevtіń bastamasymen 2002 jyldyń 25 sáýіrіnde el Azııa konfederatsııasynan shyǵyp, resmı túrde ÝEFA-ǵa qosylǵanyn eske saldy.
Álıev sonymen qatar 2005 jyly Qazaqstan quramasy Grekııaǵa qarsy oınaǵan kezde Almatyǵa ÝEFA-nyń burynǵy prezıdentі Mıshel Platını kelgenіn de atap óttі.
«Keshe Ortalyq stadıonda Chempıondar lıgasynyń matchyn kórdіm. Bіzdіń «Qaırat» ÝEFA-nyń eń ataqty klýby «Real Madrıdpen» oınady. Bul – Almatyda! Sol sátte men ákemnіń sheshіmіnіń qanshalyqty strategııalyq qadam bolǵanyn túsіndіm. Araǵa jyldar salyp, ol óz jemіsіn berіp jatyr. Men bárіmen maqtanamyn», – dedі Nurálі Álıev.
Aıta keteıіk, Madrıdtіń «Realy» Chempıondar lıgasynyń toptyq kezeńіnde Almatyda «Qaıratty» 5:0 esebіmen jeńdі.
Material avtory
