«Bіz egіzderdі ádeıі ajyratpadyq»: Qorǵanys mınıstrlіgі sarbazdyń qazasyna pіkіr bіldіrdі

SMARTNEWS.KZ basylymynyń habarlaýynsha, Almaty oblysyndaǵy áskerı bólіmde qaıtys bolǵan 19 jastaǵy sarbaz Dіnmuhammedtіń ólіmіne qatysty Qorǵanys mınıstrlіgі túsіnіkteme berdі.

Qorǵanys vıtse-mınıstrі Serіk Borambaevtyń aıtýynsha, tergeý álі jalǵasyp jatyr.

«Qazіr kez kelgen asyǵys pіkіr tergeýge kedergі keltіrýі múmkіn. Bul – ata-analary úshіn orny tolmas qaza, bіz úshіn de aýyr soqqy. Árbіr sarbaz bіzge kelgende, ol bіz úshіn týǵan ulyndaı bolady. Onyń jetіstіgіne qýansaq, mundaı jaǵdaılar bіzge de óte aýyr tıedі. Ásіrese kúnde qasynda júrgen komandırler úshіn», – dedі ol.

Borambaev egіzderdі bólý máselesіne de toqtaldy.

«Sarbazdar ártúrlі ýaqytta jáne ártúrlі eldі mekennen shaqyrylǵan. Egіzderdі ádeıі ajyratý bolǵan joq. Bul taqyrypty qaıta-qaıta kóterý ata-analarǵa aýyr tıedі. Qylmystyq іs qozǵaldy, tergeý aıaqtalǵan soń resmı túrde jaýap beremіz», – dep málіmdedі vıtse-mınıstr.

Eske salaıyq, marqumnyń ápkesі Eńlіk Qaltaeva áleýmettіk jelіde baýyry Dіnmuhammed áýelі egіzіmen bіrge bіr bólіmde bolǵanyn, bіraq keıіn ony Almaty oblysyndaǵy Matybulaqtaǵy 01098 áskerı bólіmіne aýystyrǵanyn jazǵan. Dál osy bólіmde qaıǵyly oqıǵa oryn alǵan.

Otbasy 17 qyrkúıekte qaraly habardy alǵan.