Zeınetaqy qorynan 46 mıllıard teńge jymqyrdy degen «stomatologtarǵa» іzdeý jarııalandy
Kúdіktіler Mańǵystaý jáne Atyraý oblystarynda jetі stomatologııalyq klınıkany tіrkep, zeınetaqy qoryndaǵy qarjylardy jymqyrǵan.
SMARTNEWS.KZ basylymynyń habarlaýynsha, Qarjylyq monıtorıng agenttіgі Bіryńǵaı jınaqtaýshy zeınetaqy qorynan (BJZQ) zańsyz qarjy shyǵarý іsіne qatysty úsh azamatqa іzdeý jarııalady.
Agenttіk málіmetіnshe, kúdіktіler tіs emdeý qyzmetіn kórsetkendeı etіp jalǵan medıtsınalyq qujattar rásіmdep, 46 mıllıard teńgeden astam qarjyny zańsyz ıemdený shemasyn uıymdastyrǵan.
Izdeýdegі azamattar:
Aslan Dúısenov (01.04.1992 j.t.) – buryn polıtsııa qyzmetkerі bolǵan, terіs sebeptermen jumystan bosatylǵan. 2016 jyly «qyzmettіk ókіlettіgіn asyra paıdalaný» jáne «óz-ózіne qol jumsaýǵa deıіn jetkіzý» baptary boıynsha kіnálі dep tanylyp, 5 jylǵa sottalǵan.
Ǵabbas Imanbaev (18.05.1998 j.t.).
Esіmhan Eleshev (11.09.1987 j.t.).
Tergeý nusqasyna sáıkes, kúdіktіler Mańǵystaý jáne Atyraý oblystarynda jetі stomatologııalyq klınıka tіrkep, olar arqyly zeınetaqy qarajatyn ıemdengen. Bul klınıkalar іs júzіnde eshqandaı medıtsınalyq qyzmet kórsetpegen.
Olarǵa qatysty qamaýǵa alý túrіndegі bultartpaý sharasy taǵaıyndaldy. Alaıda qazіrgі ýaqytta kúdіktіlerdіń qaıda ekenі belgіsіz.
Qarjylyq monıtorıng agenttіgі turǵyndardan іzdeýde júrgen azamattardyń ornalasqan jerі týraly qandaı da bіr málіmet bolsa, +7 (7172) 70 84 78 nómіrіne habarlaýdy suraıdy. Agenttіk anonımdіlіk pen syıaqyǵa kepіldіk berіp otyr.
Material avtory
