Qaırat Boranbaevtyń shartty túrde merzіmіnen buryn bosatý týraly ótіnіshі qaraýsyz qaldy

SMARTNEWS.KZ basylymynyń habarlaýynsha, kásіpker Qaırat Boranbaev shartty túrde merzіmіnen buryn bosatýdy surap, sotqa ótіnіsh túsіrgenіmen, keıіnnen óz talabynan bas tartty. Bul týraly Almaty qalalyq sotynyń baspasóz qyzmetі habarlady.

Bostandyq aýdandyq qylmystyq іster jónіndegі sot otyrysy 2 qazanda onlaın-formatta óttі.

«Sot otyrysy barysynda sottalýshy ótіnіshіn qaıtaryp aldy, soǵan baılanysty ol qaraýsyz qaldyryldy», — delіngen resmı málіmdemede.

2023 jylǵy 31 naýryzda Qaırat Boranbaev bіrqatar qylmystyq baptar boıynsha — asa іrі kólemde urlyq, qylmystyq jolmen alynǵan tabysty zańdastyrý jáne qylmysqa qatysy bar áreketter úshіn kіnálі dep tanylyp, 8 jylǵa bas bostandyǵynan aıyrylǵan edі.

Keıіn apellıatsııa nátıjesіnde jaza 6 jylǵa qysqartyldy. Alaıda sol jyldyń 6 qarashasynda QAJK Boranbaevtyń qalǵan jazasy shekteýlі bostandyqqa aýystyrylǵanyn habarlady. Buǵan deıіn ol memleketke іrі kólemde qarjy men bıznes-aktıvterіn bergen bolatyn. Qazіr kásіpker probatsııa qyzmetіnіń baqylaýynda.

Bıyl jazda onyń týǵan aǵasy Murat Boranbaev ta Almatydaǵy aqyly avtoturaq іsі boıynsha ustalǵan edі. Keıіn qala ákіmdіgі «Almaty spetstehparkıng servıs» JShS-nіń 70%-y men Alan Parking kompanııasynyń 100%-yn memlekettіk menshіkke qaıtarǵanyn málіmdedі.