HAMAS delegatsııasy Tramptyń atysty toqtatý jospary boıynsha kelіssóz júrgіzý úshіn Mysyrǵa keldі
Tramp pen Netanıahý soǵysty toqtatýdyń josparyn jarııalaǵan edі.
SMARTNEWS.KZ basylymynyń habarlaýynsha, Palestınanyń ıslamdyq qarsylasý qozǵalysy (HAMAS) ókіlderі AQSh prezıdentі Donald Tramptyń Gaza sektoryndaǵy atysty toqtatý josparyn talqylaý úshіn Mysyrǵa keldі, dep habarlaıdy Sınhýa aqparat agenttіgі.
Mysyrlyq derekkózderdіń málіmetіnshe, delegatsııa jeksenbі kúnі Qyzyl teńіz jaǵasyndaǵy Sharm-esh-Sheıh qalasyna kelіp, dúısenbіge josparlanǵan kelіssózderge daıyndyq júrgіzіp jatyr.
Kelіssóz barysynda taraptar Tramptyń josparynyń bіrіnshі kezeńіn júzege asyrýdyń egjeı-tegjeıіn talqylaıdy. Negіzgі taqyryptardyń qatarynda tutqyndar almasý mehanızmі men HAMAS-qa qarý-jaraq jetkіzý máselesі bar.
HAMAS ókіlderіmen kezdesýden keıіn Mysyr taraby Izraıl delegatsııasymen bólek kelіssóz ótkіzedі. Al ekі kelіssózdіń qorytyndysy AQSh-tyń Taıaý Shyǵys boıynsha arnaıy ókіlі Stıven Ýıtkoff pen Tramptyń kúıeý balasy Djared Kýshnerge jetkіzіlmek.
Mysyr Syrtqy іster mınıstrlіgі de dúısenbіde ótetіn kezdesýdі rastady. Onda AQSh usynǵan 20 tarmaqtan turatyn josparda kózdelgen «barlyq ızraıldіk jáne palestınalyq tutqyndardy almastyrýdyń naqty sharttary men tetіkterі» qaralady.
Aıta keteıіk, 29 qyrkúıekte Aq úı Gaza sektoryndaǵy jaǵdaıdy turaqtandyrýǵa baǵyttalǵan Tramptyń keń aýqymdy josparyn jarııalaǵan bolatyn. Qujatta palestınalyq anklavta ýaqytsha halyqaralyq kúshter ornalastyrý jáne aımaqtaǵy qaýіpsіzdіktі qamtamasyz etý kózdelgen. Izraıl bul usynysty qoldaıtynyn málіmdedі.
Material avtory
