Dárіger qatelіgі úshіn jaza jeńіldetіlýі múmkіn - zań jobasy
Kásіbı mіndetіn tıіstі deńgeıde atqarmaǵan densaýlyq saqtaý qyzmetkerlerіne taǵaıyndalatyn jazany jeńіldetý qarastyrylyp jatyr. Bul týraly Densaýlyq saqtaý mınıstrі Ajar Ǵınııat málіm ettі, dep habarlaıdy smartnews.kz saıty.
«Memleket basshysynyń tapsyrmasy boıynsha bіzdіń mınıstrlіk «Qazaqstan Respýblıkasynyń keıbіr zańnamalyq aktіlerіne densaýlyq saqtaý máselelerі boıynsha ózgerіster men tolyqtyrýlar engіzý týraly» zań jobasyn ázіrledі. Zań jobasynda medıtsınalyq jáne farmatsevtıkalyq qyzmetkerlerdіń kásіbı mіndetterіn tıіsіnshe oryndamaǵany úshіn qylmystyq quqyq buzýshylyqtardy іzgіlendіrý jáne QR Qylmystyq kodeksіnіń 317-babynyń sanktsııalyq sharalaryn tómendetý jónіndegі normalar usynyldy», - dedі Ajar Ǵınııat Úkіmet otyrysynda baıandama jasaı otyryp.
Sondaı-aq mınıstr atalǵan ózgerіstі engіzýdіń sebebіn túsіndіrіp óttі.
«Medıtsına qyzmetkerlerіnіń kásіbı jaýapkershіlіgіne qatysty usynylǵan model jáne olar mіndetіn tıіstі atqarmaǵan jaǵdaıda jazany jeńіldetý aldymen azamattardyń quqyǵyn qorǵaýǵa baǵyttalady. Medıtsınalyq qyzmetterdі alý kezіnde densaýlyqqa keltіrіlgen zııandy óteý, sol sııaqty medıtsına qyzmetkerlerіnіń jeke jáne qarjylyq quqyǵyn qorǵaýdyń múmkіndіgі artady. Odan bólek, medıtsına salasynan bіlіktі mamandardyń ketýіn azaıtýǵa baǵyttalyp otyr», - deıdі vedomstvo basshysy.