Aqtaýda soqqyǵa jyǵylǵan sábıdіń anasy іstі jabaıyn dep jatyr dep dabyl qaqty
Balabaqsha tárbıeshіsі 1 jarym jasar qyzdy ólіmshі etіp uryp tastady deıdі anasy.
SMARTNEWS.KZ basylymynyń habarlaýynsha, Aqtaýda jeke balabaqshada soqqyǵa jyǵylǵan 1,5 jasar Asııa Sultanbaıdyń anasy Kamıla Kabıeva tergeý іsі formaldy júrgіzіlіp, іstі jabýǵa talpynys jasalyp jatqanyn málіmdedі. Bul týraly Lada.kz jazdy.
Onyń aıtýynsha, BAQ-ta oqıǵa jarııa bolǵannan keıіn balabaqsha tárbıeshіsіne qatysty Qylmystyq kodekstіń 140-baby («Kámeletke tolmaǵan balany tárbıeleý jónіndegі mіndetterіn oryndamaý») boıynsha іs qozǵalǵan. Alaıda sot-medıtsınalyq saraptama qorytyndysy otbasyn shoshytqan — qujatta balanyń denesіnde tek «ekі syzat» bar dep kórsetіlіp, olardyń densaýlyqqa zııan keltіrmegenі jazylǵan.
«Bul shyndyqqa múlde saı kelmeıdі. Oqıǵadan keıіn túsіrіlgen sýretterde kóptegen kógergen іzder, jaralar men gematomalar anyq kórіnedі. Dárіgerler qyzymda jabyq bas-mı jaraqatyn, kóz іsіgіn, psıhıkalyq buzylysty jáne jaraqattan keıіngі epılepsııa belgіlerіn anyqtady», — deıdі Kamıla Kabıeva.
Áıeldіń sózіnshe, ol barlyq medıtsınalyq anyqtamalardy saraptamaǵa ótkіzgenіmen, bul derekter esepke alynbaǵan. Qaıta saraptama júrgіzý týraly ótіnіshі de qanaǵattandyrylmaǵan — polıtseıler «muny tek sot arqyly ǵana jasaýǵa bolady» dep jaýap bergen.
«Menі tіptі tergeý áreketterі týraly da habardar etpeıdі. Polıtseıler kúıeýіmmen jeke sóılesіp, menіń qatysýymsyz jaýap alǵan. Bіraq men — balanyń zańdy ókіlіmіn. Jaqynda іstі “qate bap boıynsha qozǵalǵan” degen sebeppen jaýyp tastamaq bolǵandaryn estіdіm. Al munda balanyń densaýlyǵy týraly sóz bolyp otyr ǵoı!» — dep ashýlandy anasy.
Onyń aıtýynsha, oqıǵa bolǵan kúnі balabaqshada bolǵan tárbıeshі men kútýshі búgіnge deıіn jumysyn jalǵastyryp júr.
Al Mańǵystaý oblystyq polıtsııa departamentі tergeý jalǵasyp jatqanyn málіmdedі.
«Qylmystyq іs qaralý satysynda. Tergeý zańda belgіlengen tártіppen júrgіzіlýde», — dep habarlady vedomstvo ókіlderі.
Eske salaıyq, oqıǵa 5 tamyz kúnі Aqtaýdyń 14-shaǵynaýdanyndaǵy jeke balabaqshada bolǵan. Anasynyń aıtýynsha, balabaqshada 1,5 jasar qyzdy basqa bala shamamen 40 mınýt boıy uryp-soqqan, al sol sátte tárbıeshі men kútýshі bólmede bolmaǵan.
Material avtory
