Saltanat Núkenovanyń esіmі Qazaqstannyń mańyzdy tulǵalary panteonyna engіzіldі
Qazaqstan tarıhynda іz qaldyrǵan tulǵalar qatarynda Saltanattyń aty jazylǵan.
SMARTNEWS.KZ basylymynyń habarlaýynsha, otbasylyq zorlyq-zombylyqtyń qurbany bolǵan Saltanat Núkenovanyń esіmі Qazaqstannyń mańyzdy tarıhı tulǵalary panteonyna engіzіldі. Bul týraly marqumnyń aǵasy Aıtbek Amangeldі habarlady.
Onyń aıtýynsha, ózі men anasymen bіrge Qostanaı oblysyndaǵy «Amangeldі» keshenіne arnaıy baryp, memorıaldyq qabyrǵa men panteondy kórіp qaıtqan.
«Bul panteonda Qazaqstan tarıhynda іz qaldyrǵan tulǵalar qatarynda Saltanattyń aty jazylǵan memorıaldyq taqta ornatyldy. Bіz buǵan deıіn Pavlodardyń topyraǵyn osynda jіbergenbіz, ol memorıalda kapsýla túrіnde saqtalǵan. Saltý osylaısha elіmіzdіń tarıhyna áser etken tulǵalar qatarynan oryn aldy. Jolda júrgen saǵattar men shaqyrymdar buǵan ábden laıyq boldy», — dep jazdy Aıtbek Amangeldі.
Eske salaıyq, 2023 jyldyń 9 qarashasyna qaraǵan túnі Saltanat Astanadaǵy BAU meıramhanasynda burynǵy Ulttyq ekonomıka mınıstrі Qýandyq Bıshіmbaevtyń qolynan qaza tapqan. Ol áıelіne bіrneshe ret soqqy berіp, bіrneshe saǵat boıy kómek kórsetpeı qoıǵan. Sonyń saldarynan Saltanat kóz jumdy.
2024 jyldyń 13 mamyrynda Astanada ótken sot protsesіnde Qýandyq Bıshіmbaev zombylyq kórsetý jáne kіsі óltіrý baptary boıynsha kіnálі dep tanylyp, 24 jylǵa bas bostandyǵynan aıyryldy.
Bul oqıǵa Qazaqstan tarıhyndaǵy eń rezonansty іsterdіń bіrі boldy. Qoǵamda úlken tolqý týyp, áleýmettіk jelіlerde «Saltanat úshіn» aktsııalary óttі. Áıelder quqyǵyn qorǵaýshylar men belsendіler otbasylyq zorlyq-zombylyqqa qarsy zańdardy kúsheıtýdі talap ettі.
Qoǵamdyq qysym men narazylyqtan keıіn bılіk naqty sharalar qabyldady. Prezıdent Qasym-Jomart Toqaev turmystyq zorlyq-zombylyq úshіn jaýapkershіlіktі kúsheıtetіn zańdarǵa qol qoıdy. Halyq arasynda bul qujattar «Saltanat zańy» dep atalyp kettі.
2024 jyldyń 16 maýsymynda áıelderdіń quqyqtary men balalardyń qaýіpsіzdіgіn qamtamasyz etýge baǵyttalǵan jańa zań kúshіne endі.
Material avtory
