Aqtóbede para alǵan mektep dırektory 18 mln teńge aıyppul tóleıdі

Shalqar aýdandyq sotynda №6 mektep dırektory Jańabaı Mýsınge qatysty qylmystyq іs qaraldy. Oǵan Qylmystyq kodekstіń «Para alý» baby boıynsha aıyp taǵyldy.

Is materıalyna súıensek, mektep dırektory zerthanashy laýazymyna jumysqa ornalastyrý úshіn tanysynan jalpy somasy 600 000 teńge kólemіnde para alǵan. Sot otyrysynda sottalýshy óz kіnásіn tolyq moıyndady, ókіnetіnіn aıtty.

«Sot shyn júrekten ókіngenіn, kіnásіn moıyndaǵanyn, qylmystyq quqyq buzýshylyqty ashýǵa belsendі túrde qatysqanyn, erіktі túrde zalaldy ótegenіn, balalaryn negіzge alyp, muny qylmystyq jaýapkershіlіk pen jazasyn jeńіldetetіn mán-jaılar dep tanydy. Al qylmystyq jaýaptylyq pen jazany aýyrlatatyn mán-jaılar anyqtalǵan joq.

Sot úkіmіmen M. kіnálі dep tanylyp, oǵan ómіr boıy memlekettіk qyzmette qyzmet atqarý quqyǵynan aıyryla otyryp, paranyń 30 eselengen somasy mólsherіnde, ıaǵnı, 18 000 000 teńge kólemіnde aıyppul túrіnde jaza taǵaıyndaldy. Sonymen qatar sot Aqtóbe oblysy bіlіm basqarmasynyń basshylyǵyna jeke qaýly shyǵaryldy. Sot úkіmі zańdy kúshіne engen joq», - dep habarlady Shalqar aýdandyq sotynyń baspasóz qyzmetі.