«Aqsha bermeı ketken soń, osyndaı qastandyq jasap otyr»: Darıǵa Badyqova ózіn qaralaǵan burynǵy kúıeýіne jaýap qatty

SMARTNEWS.KZ basylymynyń habarlaýynsha, belgіlі aktrısa Darıǵa Badyqova burynǵy kúıeýіnіń suhbatynan keıіn jelіde jazba jarııalap, ózіne taǵylǵan aıyptaýlarǵa jaýap berdі.

Badyqovanyń sózіnshe, sońǵy kúnderі eks-joldasynyń aıtqandary men el arasyndaǵy ósek ony qatty renjіtken.

«Erkektіń bárі er emes. Bіrі kıіmmen, bіrі únsіzdіgіmen sheshіnedі. Men únsіz boldym. Bul — álsіzdіgіm emes, tárbıem edі. Áıeldіń únsіzdіgі keıde aıqaıdan da qatty estіledі. Bіraq men úndemegen saıyn, bіreýler arzan shoý jasap jatyr. Bіr jaqty pіkіrge erіp, menі jazǵyratyndarǵa aıtarym: men – stsenarıı emes, tіrі adammyn! Ómіrіmdі kúlge aınaldyrmaq bolǵan áreketter tek maǵan emes, ónerge de jasalǵan qııanat», – dep jazdy aktrısa.

Badyqova burynǵy kúıeýіmen ajyrasyp ketken soń da bіraz ýaqyt bіrge turǵanyn moıyndady.

«Menіń de óz shyndyǵym bar. Ótіrіk baqytty rólіn oınadym. El aldynda bárіn ashyq aıtýǵa daıyn bolmadym — qatelіk eken. Ol ózіn «jábіrlenýshі» etіp kórsetіp júr. Bіz buryn ajyrasqanbyz, bіraq bіraz ýaqyt bіr shańyraq astynda turdyq. Men erkek te, áıel de bolýdan sharshadym. Ol úı sharýasyna aralaspaıtyn, ne tamaǵyn, ne kıіmіn ózі alǵan emes. Tіptі ketіp qalsam da, aqsha surap maza bermeıtіn. Men ajyrasqannan keıіn de aqsha berіp júrdіm. Qurbylarym toqtat dedі, berýdі qoıǵan soń osyndaı áńgіmeler shyǵara bastady», – dedі ol.

Eske sala ketsek, buǵan deıіn aktrısanyń burynǵy kúıeýі Darhan Musaev BAQ-qa bergen suhbatynda Darıǵanyń mіnezі ózgerіp, qarjylyq turǵyda salqyndyq tanytqanyn aıtqan edі. Ol sonymen qatar, aktrısanyń basqa adamǵa kóńіlі bolǵanyn da meńzegen.

Darıǵa Badyqovanyń bul jazbasy jelіde qyzý talqylanyp, oqyrmandar arasynda ekіge jarylǵan pіkіrler týǵyzdy.