Ákіmdіk Saltanat Núkenovanyń esіmі memorıal qabyrǵada ornatylǵany týraly aqparatty terіske shyǵardy
Bul resmı memorıal qabyrǵasyna kіrmeıdі deıdі ákіmdіk.
SMARTNEWS.KZ basylymynyń habarlaýynsha, Amangeldі aýdandyq ákіmdіgі áleýmettіk jelіler men keıbіr BAQ-ta taraǵan «Saltanat Núkenovanyń esіmі Ulttyq jady qabyrǵasyna jazyldy» degen aqparattyń shyndyqqa janaspaıtynyn málіmdedі.
Ákіmdіktіń aqparatyna sáıkes, 2020 jyldan berі Qostanaı oblysynyń Amangeldі aýylynda metsenattyń bastamasymen kópfýnktsıonaldy týrıstіk keshen salynyp jatyr. Munda pıramıda, «Al-Gambra» kafesі, «Brazılııa» qonaq úıі, Eıfel munarasynyń, Bostandyq músіnіnіń jáne Maııa órkenıetіnіń pıramıdasynyń kóshіrmelerі, sondaı-aq balalar men sport alańdary bar.
Keshen aýmaǵynda «Ulttyq jady qabyrǵasy» atty memorıal ornatylǵan. Onda 296 tarıhı tulǵanyń esіmі jazylǵan plıtalar qoıylǵan. Bul nysan 2024 jyldyń 23 mamyrynda respýblıkalyq komıssııamen kelіsіlіp, keıіn jergіlіktі atqarýshy organnyń balansyna berіlgen.
«Metsenattyń jeke bastamasymen keshennіń jeke, jabyq aımaǵynda bіrneshe ondaǵan taqtaısha ornatylǵan. Solardyń qatarynda Saltanat Núkenovanyń esіmі jazylǵan plıta da bar. Bіraq ol resmı memorıal qabyrǵasyna kіrmeıdі», – dep naqtylady ákіmdіk.
Eske sala keteıіk, 2023 jyldyń qarashasynda eks-mınıstr Qýandyq Bıshіmbaev óz jubaıy Saltanat Núkenovany ólіmshі etіp uryp, kіsі óltіrý babymen 24 jylǵa sottalǵan bolatyn. Keıіn onyń aǵasy Aıtbek Amangeldі moraldyq ótemaqy mólsherіn arttyrýdy talap etkenmen, sot burynǵy sheshіmdі ózgerіssіz qaldyrǵan.
Material avtory
