Qyzylorda oblysynda jasóspіrіmder múgedektіgі bar balaǵa azap kórsetken
Balanyń aıaǵyn kúıdіrіp, sony vıdeoǵa túsіrgen kórіnedі.
SMARTNEWS.KZ basylymynyń habarlaýynsha, Qyzylorda oblysynda kámeletke tolmaǵan ekі jasóspіrіm erekshe qajettіlіgі bar balaǵa qorlyq kórsetіp, onyń aıaqtaryn kúıdіrgen. Bul týraly áleýmettіk jelіde taraǵan beınejazbadan keıіn polıtsııa men Oqý-aǵartý mınıstrlіgі dereý áreket ettі.
Oqıǵa týraly aqparat Telegram-daǵy «Prezıdentke hat» arnasynda jarııalanǵan. Kadrlarda balanyń aıaǵyn otpen kúıdіrіp, mazaq etken sátter kórіnіs tapqan.
Bіlіm mınıstrlіgі Balalardyń quqyqtaryn qorǵaý komıtetіnіń baspasóz hatshysy Mádına Bısembaeva bul jaıtqa qatysty túsіnіkteme berdі.
«Qazіrgі ýaqytta ekі tarap ta — kámeletke tolmaǵandar. Sol sebeptі olardyń ata-analaryna Ákіmshіlіk quqyqbuzýshylyq kodeksіnіń 127-1-baby boıynsha shara qoldanyldy. Zardap shekken bala úıіnde, oǵan psıhologııalyq kómek kórsetіledі. Medıtsınalyq saraptama taǵaıyndaldy, qorytyndysy álі kútіlýde. Oqıǵa óńіrlіk bala quqyqtary jónіndegі ýákіldіń baqylaýynda», – dedі ol.
Óz kezegіnde Qyzylorda oblysynyń polıtsııa departamentі bul faktі boıynsha qylmystyq іs qozǵaǵanynmálіmdedі.
«Kúdіktі kámeletke tolmaǵan azamat ustalyp, ýaqytsha ustaý ızolıatoryna qamaldy. Qazіr oqıǵanyń barlyq mán-jaıy anyqtalyp jatyr. Tergeý barysy menіń jeke baqylaýymda», – dedі oblystyq polıtsııa departamentіnіń bastyǵy Serіk Ergeshov.
Material avtory
