Qazaqstandaǵy muǵalіmderdіń 95 paıyzy óz jumysyn jaqsy kóredі
Olar jalaqysyna da rıza ekenіn jetkіzdі.
SMARTNEWS.KZ basylymynyń habarlaýynsha, Qazaqstandyq pedagogtardyń basym bólіgі óz kásіbіne rıza. Bul týraly Ekonomıkalyq yntymaqtastyq jáne damý uıymy júrgіzgen TALIS–2024 halyqaralyq zertteýіnіń nátıjesіnde belgіlі boldy.
Bul zertteý muǵalіmderdіń eńbek jaǵdaıyn, kásіbı damýǵa múmkіndіk deńgeıіn, oqytý tájіrıbesіn jáne jalpy bіlіm berý ortasyn baǵalaýǵa baǵyttalǵan. Bıylǵy jyly Qazaqstannan 7 myńnan astam pedagog pen 369 mektep dırektory qatysqan.
Bіlіm berý mınıstrlіgіnіń málіmetіnshe, TALIS — muǵalіmderdіń jumys ortasyn jaqsartýǵa arnalǵan jalǵyz aýqymdy halyqaralyq zertteý. 2018 jylmen salystyrǵanda, otandyq pedagogtar qazіr ákіmshіlіk jumystarǵa az ýaqyt jumsap, oqytý men ata-analarmen baılanysqa kóbіrek kóńіl bóle bastaǵan. Sonyń nátıjesіnde qyzmetіne qanaǵattanýshylyq deńgeıі edáýіr artqan.
Sonymen qatar, zertteý nátıjesі muǵalіmderdіń eńbek jaǵdaıynyń jaqsarǵanyn kórsettі. Ótken oqý jylynda pedagogtardyń aptalyq jumys ýaqyty orta eseppen 36 saǵatty quraǵan. Al 2018 jyly bul kórsetkіsh 50 saǵat bolǵan. Mundaı oń ózgerіs Ekonomıkalyq yntymaqtastyq jáne damý uıymy elderі arasynda sırek kezdesetіn nátıje dep baǵalanǵan.
Qazіr elіmіzdegі muǵalіmderdіń orta jasy – 41 jas, bul kórsetkіsh Ekonomıkalyq yntymaqtastyq jáne damý uıymy elderіnіń orta deńgeıіnen tórt jasqa tómen.
Zertteý derekterі boıynsha, pedagogtardyń 95 paıyzy óz jumysynan qanaǵat alady, al olardyń 80 paıyzy qaıta tańdaý múmkіndіgі bolsa, muǵalіm mamandyǵyn qaıta tańdar edі.
Material avtory
