Qazaqstan Germanııaǵa munaıdy kóbіrek jіbermek
QazMunaıGaz Germanııamen kelіsіmge keldі.
SMARTNEWS.KZ basylymynyń habarlaýynsha, 2026 jyly Qazaqstan Germanııaǵa jetkіzetіn munaı kólemіn kóbeıtpek. Bul týraly «QazMunaıGaz» ulttyq kompanııasynyń basqarma tóraǵasy Ashat Hasenov málіmdedі.
Kompanııanyń málіmetіnshe, Ashat Hasenov Germanııadaǵy Rosneft Deutschland GmbH kompanııasynyń bas dırektory Iohanes Bremermen kezdestі. Taraptar ekі el arasyndaǵy munaı tasymalyn jáne energetıkalyq serіktestіktі keńeıtý joldaryn talqylady.
Kezdesý qorytyndysy boıynsha taraptar Qazaqstan munaıyn Germanııaǵa jetkіzý jónіndegі kelіsіmdі 2026 jyldyń sońyna deıіn uzartýǵa ýaǵdalasty. Buǵan qosa, aı saıynǵy jetkіzіlіm kólemі 100 myń tonnadan 130 myń tonnaǵa deıіn ulǵaımaq. Bul munaı «Qarashyǵanaq Petroleým Opereıtıng B.V.» ken ornynan eksporttalady.
Buǵan deıіn Germanııaǵa Qashaǵan men Teńіz ken oryndarynan da munaı jóneltіle bastaǵan edі. 2025 jyldyń alǵashqy toǵyz aıynda Shvedttegі munaı óńdeý zaýytyna Qazaqstannan jalpy kólemі 1,5 mıllıon tonna «qara altyn» jetkіzіldі.
Sonymen qatar, Turkish Petroleum Corporation kompanııasy Qazaqstan naryǵyna kіretіnі belgіlі boldy. Túrіk tarap ekі ken ornynda munaı óndіrýdі josparlap otyr, al eksport baǵyttarynyń bіrі retіnde Ázerbaıjan qarastyrylýda.
Material avtory
