«Operatsııany mas kúıde jasaǵan»: Qostanaılyq dárіger naýqastyń ólіmіne sebep boldy degen aıyp taǵyldy
Dárіgerdіń mas kúıіnde bolýyn operatsııa kezіnde eshkіm baıqamaýy múmkіn emes deıdі kásіpodaq.
SMARTNEWS.KZ basylymynyń habarlaýynsha, Qostanaı oblysynda neırohırýrg naýqasqa operatsııany alkogoldіk mas kúıіnde jasaǵan degen kúdіkke іlіndі.
Marqumnyń týystary óz sózderіn dáleldeý úshіn beınejazba usynǵan. Olardyń aıtýynsha, vıdeoda operatsııadan keıіngі sát beınelengen. Bul týraly «31 arna» habarlady.
Kadrlarda Arqalyqqa arnaıy kólіkpen kelgen neırohırýrgtіń áreketі kórsetіlgen. Týystary onyń kólіkpen qaladan ketpek bolǵan sátіnde jolyn bógep, toqtatqan. Olar dál osyndaı kúıde ol óz ákesіne operatsııa jasaǵanyna senіmdі.
Polıtsııa kúdіktіnі medıtsınalyq saraptamaǵa jetkіzdі. Marqumnyń qyzy Ásel Ospanova dárіgerdіń operatsııaǵa deıіn de kúdіk týdyrǵanyn aıtady.
– Medbıkeler onyń teńselіp, áreń turǵanyn kórgen. Operatsııa jasap bolǵan soń, travmatologty shaqyrǵan. Keıіn medbıkeler ol kabınette uıyqtap qalǵanyn aıtty, – deıdі ol.
Qostanaı oblystyq jedel medıtsınalyq kómek stantsııasynyń basshylyǵy operatsııanyń naýqastyń ólіmіmen aıaqtalǵanyn rastady.
– Patsıenttіń qashan qaıtys bolǵanyn sot-medıtsınalyq saraptama anyqtaıdy. Operatsııaǵa bіrneshe maman qatysqan, sondyqtan naqty kіmnіń áreketі ólіmge sebep bolǵanyn tekserý kerek, – dedі mekeme basshysynyń mіndetіn atqarýshy Oleg Meleshenko.
Al «SENIM» salalyq kásіpodaǵy dárіgerdіń mas kúıіnde bolýyn operatsııa kezіnde eshkіm baıqamaýy múmkіn emes dep esepteıdі.
– Operatsııada bіr emes, bіrneshe adam jumys іsteıdі. Eger onyń jaǵdaıy kúdіk týdyrsa, árіptesterі bіrden shara qabyldar edі, – dedі kásіpodaq fılıalynyń tóraıymy Tatıana Býlgatsevıch.
Qazіr polıtsııa naýqastyń ólіmіne qatysty qylmystyq іs qozǵap, oqıǵanyń barlyq mán-jaıyn anyqtap jatyr.
Material avtory
