Qazaqstanda aqsha aýdarymdaryna baqylaý kúsheıtіledі
Elіmіz kóleńkelі aqsha aınalymyna soqqy jasamaq.
SMARTNEWS.KZ basylymynyń habarlaýynsha, 2025 jyldyń basynan berі Qarjy monıtorıngі agenttіgі ondaǵan qarjy alaıaqtyǵynyń shemasyn áshkerelep, krıptoaktıvterdі buǵattap, onlaın-kazınolardyń qyzmetіn toqtatty. Endі vedomstvo aqsha aınalymyn kúsheıtіp baqylaýdy jáne fırma-qabyqshalarǵa qarsy jańa sharalar engіzýdі usynyp otyr.
Agenttіk tóraǵasynyń orynbasary Qaırat Bıjanov úkіmet otyrysynda júrgіzіlgen jumystar men anyqtalǵan zańbuzýshylyqtar týraly baıandady.
Negіzgі kórsetkіshter:
24 mlrd teńge aınalymy bar 81 «qylmystyq» top anyqtaldy;
130 krıptobırjanyń jumysy toqtatylyp, 16,7 mln dollar kólemіnde vırtýaldy aktıvter tárkіlendі;
Temekі men alkogoldіń 18 jasyryn tsehy jabyldy;
12 mlrd teńgenіń veıp ónіmі zańsyz aınalymnan alyndy;
17 mlrd teńge kólemіnde munaı ónіmderіnіń zańsyz eksporty toqtatyldy;
62 jasyryn oıyn orny men 11 onlaın-kazınonyń qyzmetі joıyldy.
Sońǵy úsh jylda salyq organdary 3,6 myń jalǵan kompanııanyń tіrkeýіn joıǵan. Osy fırmalar arqyly 280 mlrd teńge kólemіnde 30 myńnan astam kúmándі mámіle jasalǵan.
«Kóleńkelі ekonomıka tek zańsyz tabystar esebіnen emes, bıýdjet qarajatyn maqsatsyz jumsaýdan da qorektenedі. Máselen, jyl basynda Sot saraptamalary ortalyǵynda 2 mlrd teńge urlanǵany anyqtaldy. Basshylar jabdyq qunyn úsh esege ósіrіp, jalǵan kommertsııalyq usynystar jasaǵan. Sondyqtan bıýdjet josparlaýdy álі kúnge deıіn «qaǵaz baǵaǵa» súıenіp júrgіzý – óte eskіrgen tásіl», — dedі Bıjanov.
QMA kelesі jańa talaptardy engіzýdі usyndy:
Jańa zańdy tulǵalardy tіrkeý kezіnde olardyń quryltaıshylary men dırektorlaryn arnaıy tekserý (sottylyq, táýeldіlіk, psıhıkalyq dert, «qara tіzіm»);
Kartaǵa 500 myń teńgeden joǵary aqsha túskende, aýdarym jasaýshynyń JSN-іn kórsetý jáne qosymsha rastaý (SMS ne qosymsha arqyly);
2026 jyldyń 1 qańtarynan bastap bankter bankomat kameralarynyń jazbasyn kemі 180 kún saqtaýǵa mіndettі bolady;
Bıometrııalyq sáıkestendіrý (bet álpetі, saýsaq іzі) engіzý qarastyrylyp jatyr — bul ózgenіń kartasymen anonımdі aýdarymdardy toqtatýǵa baǵyttalǵan.
Material avtory
