Sulýlyq salony men saýnalar: «Aýyl amanatynyń» 13 mlrd teńgesі maqsatsyz jumsalǵan
Aýylǵa aqsha berse, qalada sulýlyq salony.
SMARTNEWS.KZ basylymynyń habarlaýynsha, Qazaqstanda memlekettіk qoldaý aıasynda bólіngen mıllıardtar aýyl sharýashylyǵyna emes, sulýlyq salony men dámhanalar ashýǵa ketken. Bul týraly Úkіmet otyrysynda Qarjy mınıstrі Mádı Takıev málіmdedі.
Mınıstrdіń aıtýynsha, «Aýyl amanaty» baǵdarlamasy arqyly nesıe alǵan shamamen ekі myńǵa jýyq adam qarjyny aýyl sharýashylyǵyn damytýǵa emes, ózge salalarǵa baǵyttaǵan. Jalpy somasy 13 mıllıard teńge kólemіndegі qarajat salondar, saýnalar, meıramhanalar men dúkender ashýǵa jumsalǵan.
«Bіz bıýdjet qarajatynyń jumsalýyna júıelі baqylaý júrgіzіp otyrmyz. Osy monıtorıng barysynda qarajattyń maqsatsyz paıdalanylý faktіlerі anyqtaldy», — dedі Mádı Takıev.
Mınıstr sonymen qatar áleýmettіk-kásіpkerlіk korporatsııalar (ÁKK) arasynda da zańsyz shemalar bar ekenіn aıtty. Aıtýynsha, keıbіr óńіrlіk korporatsııalar memleketten alǵan nesıenі naqty jobalarǵa emes, bankterdegі depozıtterge salyp, paıyzdyq tabys taýyp kelgen.
Mysaly, mundaı jaǵdaılar Túrkіstan oblysynda 2 mlrd teńgege, al Abaı oblysynda 152 mln teńgege anyqtalǵan.
Qarjy mınıstrlіgі óz baıandamasynda basqa da zańbuzýshylyqtardy ashty: bіr mekenjaı boıynsha ondaǵan, tіptі júzdegen kompanııa tіrkelgenі belgіlі boldy.
Tek 3,5 myń mekenjaıda tіrkelgen 20 myń kompanııanyń salyq bereshegі 60,4 mlrd teńgege jetken.
Material avtory
