«Oıyn» degen jeleýmen zorlaǵan»: Frantsııada atyshýly Jızel іsі qaıta qaralyp jatyr
Kúıeýіnіń esіrtkі berіp, basqa erlerge zorlatqan áıel álі ádіldіkke jete almaı júr.
SMARTNEWS.KZ basylymynyń habarlaýynsha, Frantsııanyń Nım qalasynda Jızel Pelıko іsі boıynsha apellıatsııalyq sot bastaldy. Bul іs elde jynystyq zorlyq-zombylyqpen kúrestіń sımvolyna aınalǵan bolatyn.
Jızeldі bіrneshe jyl boıy onyń burynǵy kúıeýі Domınık pen ondaǵan er adam zorlaǵany belgіlі. Solardyń bіrі – Hýsamettın Dogan, ol byltyr toǵyz jylǵa bas bostandyǵynan aıyrylǵan. Endі er adam óz jazasyn ádіletsіz dep sanap, sot sheshіmіn qaıta qaraýdy surap otyr.
Dogannyń advokatynyń aıtýynsha, ol Jızelmen kezdespes buryn onyń kúıeýіmen onlaın baılanysqa shyqqan. 2019 jyldyń maýsymynda Dogan erlі-zaıyptylardyń úıіne kelgen, al sol túnі Jızel es-tússіz kúıde zorlanǵan. Advokattyń sózіne qaraǵanda, Dogan muny «erlі-zaıyptylardyń kelіsіmіmen jasalatyn erotıkalyq oıyn» dep oılaǵan.
Tergeý anyqtaǵandaı, Jızeldіń burynǵy kúıeýі Domınık áıelіne esіrtkі berіp, ony uıyqtatyp tastap, bóten er adamdardy úıge shaqyryp otyrǵan. Ol 20 jylǵa sottalǵan jáne úkіmge shaǵym túsіrmeıtіnіn málіmdegen.
Qazіr sot basty nazardy Dogannyń áreketke barǵan kezde Jızeldіń jaǵdaıynan habardar bolǵan-bolmaǵanyna aýdaryp otyr. Frantsııa zańnamasyna saı, aıyptalýshynyń nıetі men bіlgen-bіlmegenі – kіnánі anyqtaýda sheshýshі faktor.
Apellıatsııalyq sottyń sheshіmі boıynsha, Hýsamettın Dogannyń jazasy sol qalpynda qalýy da, azaıýy da, kerіsіnshe 20 jylǵa deıіn ulǵaıýy da múmkіn.
Material avtory
