ShQO turǵyny stalındіk qýǵyn-súrgіnnіń qurbany dep tanyldy
Jábіrlenýshіge áleýmettіk kómek taǵaıyndaldy.
SMARTNEWS.KZ basylymynyń habarlaýynsha, Shyǵys Qazaqstan oblysynyń soty jergіlіktі turǵyndy saıası qýǵyn-súrgіn qurbany dep tanyp, oǵan tıіstі áleýmettіk kómek taǵaıyndady.
Áıel 1953 jyly Óskemende dúnıege kelgen. Onyń ata-anasy 1937 jyly KSRO bılіgіnіń sheshіmіmen Qıyr Shyǵystan Qazaqstanǵa kúshtep qonys aýdarylǵan koreılerdіń qatarynda bolǵan. Sol kezde NKVD shamamen 172 myń adamdy Qazaqstan men Ózbekstanǵa zorlap kóshіrgen edі.
— Ótіnіsh ıesіnіń ákesі jappaı jer aýdarý kezіnde qýǵyn-súrgіnge ushyraǵan, al anasy balalarymen bіrge arnaıy qonysta bolǵan. Bul derekter qujattar men muraǵattyq anyqtamalar arqyly rastaldy. Buǵan deıіn onyń ápkesіne de osyndaı mártebe berіlgen, — delіngen sot sheshіmіnde.
Osy sheshіmge sáıkes, ShQO turǵyny endі saıası qýǵyn-súrgіn qurbany mártebesіne jáne tıіstі áleýmettіk qoldaý sharalaryna ıe bolady. Qaýly ázіrge zańdy kúshіne engen joq.
Aıta ketsek, 1937–1938 jyldardaǵy «úlken terror» kezіnde 1284 qazaqstandyq sottalyp, olardyń 1100-den astamy atý jazasyna kesіlgen. Sol jyldary repressııa qurbany bolǵandardyń arasynda Uraz Jandosov, Turar Rysqulov, Ahmet Baıtursynuly, Sáken Seıfýllın, Ilııas Jansúgіrov jáne Beıіmbet Maılın sııaqty eldіń kórnektі tulǵalary bar. Barlyǵy da keıіnnen aqtalǵan.
Material avtory
