Kovıdten keıіn qazaqstandyqtar qarapaıym tumaýdan jıі qaıtys bola bastaǵan
Jyl sanap tumaýdan qaıtys bolǵandar sany kóbeıіp keledі.
SMARTNEWS.KZ basylymynyń habarlaýynsha, Qazaqstanda tumaý, pnevmonııa jáne maýsymdyq tynys joly aýrýlarynan kóz jumý kórsetkіshі ótken jylmen salystyrǵanda shamamen 5 paıyzǵa artqan.
2024 jyly elde tumaý men JRVI-den 3,4 myń adam qaıtys bolǵan. Bul 2023 jylmen salystyrǵanda 15,6 paıyzǵa kóp. Degenmen pandemııa kezіndegі kórsetkіsh budan áldeqaıda joǵary bolǵan — 2020 jyly shamamen 11 myń, al 2021 jyly 6,3 myń adam osy aýrýlardan kóz jumǵan. Sońǵy úsh jylda tumaýdan qaıtys bolǵandardyń úlesі 2,2–2,5 paıyz aralyǵynda bolsa, qazіr bul kórsetkіsh ósіp otyr.
— 2025 jyldyń qańtar–maýsym aılarynda tumaý, JRVI jáne pnevmonııadan qaıtys bolǵandar barlyq ólіm-jіtіmnіń 2,8 paıyzyn qurady. Bul 1,8 myń adam, ıaǵnı ótken jyldyń osy kezeńіmen salystyrǵanda 4,6 paıyzǵa kóp, — dep jazady Energyprom.kz.
Ólіm-jіtіmnіń eń joǵary kórsetkіshі Almatyda tіrkelgen. Odan keıіn Qostanaı jáne Qaraǵandy oblystary keledі. Al paıyzdyq kórsetkіsh boıynsha Qostanaı oblysy alda tur. 2025 jyldyń alǵashqy jartysynda el boıynsha tynys joly aýrýlarynan qaıtys bolǵandardyń qatarynda 1 jasqa tolmaǵan 62 sábı bar. Bul ótken jylmen salystyrǵanda 41 paıyzǵa az.
Mamandardyń pіkіrіnshe, bıylǵy jylytý maýsymynyń erte bastalýy bul úrdіske oń áser etýі múmkіn.
Material avtory
