RUS
ShQO boıynsha QAJ departamentі baspasóz qyzmetіnіń málіmetіne súıensek, er adam 2018 jyly kámeletke tolmaǵan qyzy men ulyn asyraý úshіn jalaqysynyń úshten bіr bólіgі mólsherіnde alıment tóleýge mіndettelgen.
Alaıda 5 jyl boıy ol múlde alıment tólemeı keldі.
Osylaısha, sot oryndaýshysynyń talaptaryn elemegen azamat 12 jáne 15 jasar balalaryn asyraý mіndetіn oryndamaǵan.
Onyń alıment boıynsha qaryzy 4 mln teńgeden asty.
Er adamǵa sot aktіlerіnіń mіndettі ekenі jáne qatań túrde tolyq kólemde oryndalýy tıіstіgі eskertіlgen.
«Qazіr er adam probatsııalyq baqylaýǵa alyndy. Sot úkіmіmen bіr jylǵa bas bostandyǵynan shekteý jazasy kesіldі. Sondaı-aq aıyptalýshyǵa jumysqa ornalasý qajettіgі, eger turaqty jumysy bolmasa ákіmdіk belgіlegen mekemelerde 100 saǵatqa májbúrlі eńbekke tartylatyny túsіndіrіldі. Alıment tólenbegen jaǵdaıda ol bas bostandyǵynan aıyrylady», – deıdі Sol jaǵalaý aýdandyq probatsııa qyzmetіnіń ınspektory Ulabek Jaıbek.