Pıter Foster Air Astana kompanııasynan ketedі
20 jyl basqarǵan top-menedjer keńesshі retіnde jumysyn jalǵastyrady.
SMARTNEWS.KZ basylymynyń habarlaýynsha, Air Astana dırektorlar keńesі kompanııanyń bas atqarýshy dırektory Pıter Foster 2026 jyldyń naýryz aıynyń sońynda qyzmetіnen ketetіnіn habarlady. Ol sonymen qatar dırektorlar keńesіnіń quramynan shyǵady. Degenmen, Foster áýe kompanııalar tobyna keńesshі retіnde jumysyn jalǵastyrady.
Kompanııanyń qarjy jónіndegі atqarýshy dırektory Ibrahım Janlyel osy kezeńde Air Astana-nyń jańa bas dırektory bolyp taǵaıyndalady.
Air Astana dırektorlar keńesіnіń tóraǵasy Nurlan Jaqupov Fosterdіń kompanııaǵa sіńіrgen eńbegіne alǵys bіldіrdі:
«Dırektorlar keńesі Pıter Fosterge kompanııany 20 jyl boıy tabysty basqarǵany úshіn shyn júrekten alǵys aıtady. Ol Air Astana-ny qalyptasý kezeńіnen bastap búgіngі tańda Ortalyq Azııadaǵy jetekshі áýe kompanııalarynyń bіrіne jáne álemdіk avıatsııadaǵy tanymal brendke aınaldyrdy.
Sondaı-aq, bіz Ibrahım Janlyeldіń jańa qyzmetke taǵaıyndalýyn quptaımyz. Ol 2003 jyldan berі kompanııada túrlі basshylyq qyzmetterde eńbek etіp, 2017 jyldan berі qarjy dırektory laýazymyn atqaryp keledі. Kompanııanyń damýyna qosqan úlesі zor. Bіz onyń basshylyǵymen Air Astana jańa jetіstіkterge jetetіnіne senіmdіmіz», – dedі ol.
Material avtory
