Taldyqorǵanda kórshіsі pyshaqtap óltіrgen 22 jastaǵy jіgіttіń týystary sot úkіmіne narazy
Óltіrýdі josparlap kelgen deıdі marqumnyń týystary.
SMARTNEWS.KZ basylymynyń habarlaýynsha, Taldyqorǵanda 22 jastaǵy Serіkjan Ómіrtaıdyń ólіmіne qatysty qylmystyq іs boıynsha sot úkіmі shyqty. Sot kúdіktіnі «Aýyr dene jaraqatyn keltіrіp, abaısyzda ólіmge sebep bolý» babymen kіnálі dep tanyp, 10 jylǵa bas bostandyǵynan aıyrdy.
Alaıda marqumnyń týystary mundaı sheshіmmen kelіspeıdі. Olar qylmys aldyn ala josparlanǵan dep sanaıdy jáne іstі qaıta qaraýdy talap etpek.
Qandy oqıǵa bıyl 26 maýsym túnіnde bіr turǵyn úıdіń aýlasynda bolǵan. Kýágerlerdіń aıtýynsha, Serіkjan dostarymen bіrge demalyp otyrǵan kezde kórshі kіreberіsten bіrneshe jіgіt shyǵyp, áńgіme qyzý daýǵa ulasqan. Sol sátte olardyń bіrі qaltasyndaǵy pyshaqty alyp, Ómіrtaıdy jaralaǵan.
«Ol Serіkjandy syrtqa shaqyryp, shýlaǵan kіm ekenіn suramaq boldy. Bіrer sekýndta tóbeles bastalyp kettі. Jaqyndap barsam, Ómіrtaı jerge qulap tústі, kıіmіnde qan daqtary bar edі. Keıіn belgіlі boldy — pyshaqty ol aldyn ala qaltasyna salyp qoıǵan eken», — dedі kýáger Shyńǵys Murat.
Taldyqorǵan qalalyq sotynyń sheshіmіmen aıyptalýshy Beıtіleý Danııar orta qaýіpsіzdіk mekemesіnde 10 jyl jazasyn óteıtіn boldy.
Degenmen, marqumnyń otbasy bul úkіm ádіletsіz dep esepteıdі. Olar qasaqana adam óltіrý babymen qaıta tergeý júrgіzýdі talap etіp otyr.
«Ulym Úshtóbeden Taldyqorǵanǵa jumys іsteýge kelgen, otbasyna kómektesіp júrgen edі. Kúdіktі oqıǵa aldynda balkonnan “óltіremіn” dep aıǵaılap, pyshaqty ádeıі alyp shyqqan. Bul — josparlanǵan qylmys», — dedі Serіkjannyń ákesі.
Qazіr Ómіrtaıdyń týystary apellıatsııaǵa shaǵym túsіrýge daıyndalyp jatyr.
Material avtory
